რკინის ბარიერი არის უკანონო და პარლამენტის ბლოკირება კანონიერი? რა „ელიტა ბურჯზეა" ლაპარაკი, შსს-ს გაუჭირდა ბარიერების დაყენება? - ასე ეხმიანება პარლამენტის ყოფილი თავმჯდომარე ირაკლი კობახიძე ოპოზიციის ბრალდებებს პარლამენტთან გუშინ განთავსებულ რკინის ჯებირებთან დაკავშირებით.
ირაკლი კობახიძის თქმით, ყველამ კარგად იცის, რომ არაკანონიერი სწორედ პარლამენტის ბლოკირებაა.
„ამ რკინის ბარიერმა გაამწარა ოპოზიცია, წყლის ჭავლის გამოყენება აღარ გახდა საჭირო, იმიტომ, რომ უკვე პრევენციული ზომები იყო მიღებული. ამაზე გამწარებულები შემოვარდნენ ეზოში ორი თუ სამი კაცი, მელია, ხოშტარია და სხვები და იქ სცადეს აგრესიის გამოწვევა. მართალია საკადრისი და მძიმე პასუხი გაეცათ, მაგრამ ეს ყველაფერი მოხდა ისე, როგორც უნდა მომხდარიყო. ოპოზიცია იყო გამწარებული, რომ პოლიციას არ მოუწია წყლის გამოყენება“, - განაცხადა ირაკლი კობახიძემ.