ნათია თურნავას განცხადებით, სახელმწიფო ფილარმონიის გაყიდვას ამ ეტაპზე არ განიხილავს

ეკონომიკისა და მდგრადი განვითარების მინისტრის, ნათია თურნავას განცხადებით, სახელმწიფო ფილარმონიის გაყიდვას ამ ეტაპზე არ განიხილავს.

„ფილარმონიის მმართველ კომპანიას კონტრაქტი შევუწყვიტეთ და დავა გვაქვს სასამართლოში დაგროვილი დავალიანების და ჯარიმის გამო. შევცვალეთ მენეჯმენტი და ამ ეტაპზე მენეჯერად ქონების მართვის სააგენტოს თანამშრომელია დანიშნული, რომელიც ინვენტარიზაციას აკეთებს. შემდგომში ვიმსჯელებთ უფრო პროფესიონალურ მენეჯმენტზე, რადგან ჩვენი ამოცანაა ეს კულტურული ცენტრი განვითარდეს და მაქსიმალურად დაიტვირთოს. პრივატიზაციას ამ ეტაპზე არ განვიხილავთ, ჯერჯერობით ვაწესრიგებთ“, - განაცხადა თურნავამ.

შეგახსენებთ, როგორც „ინტერპრესნიუსისთვის“ ექსკლუზიურად გახდა ცნობილი, ეკონომიკის სამინისტროს სსიპ სახელმწიფო ქონების ეროვნულმა სააგენტომ ფილარმონიის მმართველ კომპანიას ხელშეკრულება ცალმხრივად შეუწყვიტა და ამასთან, დავალიანების დაფარვის მოთხოვნის მიზნით, რომელიც 3,5 მილიონ ლარს აჭარბებს, თბილისის საქალაქო სასამართლოში სარჩელი შეიტანა.

ზვიად კირტავა - ფრთხილი ოპტიმიზმი შეიძლება მქონდეს, რომ შევძლებთ მოსახლეობის საყოველთაო ვაქცინაციას, მაგრამ ჯერჯერობით ფრთხილი, - გეგმა არ გვინახავს
ქართული პრესის მიმოხილვა 21.01.2021
ანდრია გვიდიანი - „ენგურჰესის“ გაჩერებამ კიდევ ერთხელ დაგვანახა, რომ ახალი ჰესების მშენებლობა სასიცოცხლოდ მნიშვნელოვანია
ეფექტური გზა რესპირაციული ინფექციების პრევენციისთვის
D ვიტამინის გავლენა რეპროდუქციულ ჯანმრთელობაზე