„ევექსი“- CNN-ი საქართველოს სამედიცინო ტურიზმის პოტენციალით დაინტერესდა

საქართველო ტელეკომპანია CNN -ის ობიექტივში - ამერიკელმა ჟურნალისტებმა რეპორტაჟი საქართველოს სამედიცინო ტურიზმზე მოამზადეს, რომელიც ქვეყნის ახალი ეკონომიკური მიმართულებაა. როგორც „ინტერპრესნიუსს“ კომპანია „ევექსიდან“ აცნობეს, დეკემბერში სატელევიზიო ეთერი, რომელსაც მილიონობით ადამიანი უყურებს (The new world of medical tourism) საქართველოს ჯანდაცვას დაეთმობა.

„CNN-ი ევექსი ჰოსპიტლების მიერ თბილისში გახსნილი სამედიცინო ტურიზმის ჰაბით - კავკასიის მედიცინის ცენტრით დაინტერესდა, რომელიც სამედიცინო სერვისს უცხოელ პაციენტებს ევროპისა და აზიის წამყვანი სამედიცინო ცენტრებისგან განსხვავებით ბევრად უფრო შეღავათიან ფასად სთავაზობს.

CNN-ის მიერ მომზადებულ რეპორტაჟში დეტალურადაა წარმოჩენილი კავკასიის მედიცინის ცენტრის მძლავრი კლინიკური შესაძლებლობები, ჰოსპიტლის ექიმების გუნდი და საერთაშორისო ჯანდაცვის მაღალი სტანდარტი.

10 წუთიანი რეპორტაჟში საუბარია საქართველოზე, როგორც ცნობილ მრავალსაუკუნოვან ქვეყანაზე, თავისი მრავალფეროვანი კულტურულ-მემკვიდრეობითი ღირსშესანიშნაობებით და ახლა უკვე სამედიცინო ტურიზმის დიდი პოტენციალით,

საქართველოს შესახებ მომზადებული ვრცელი რეპორტაჟი CNN -ზე 14 დეკემბერს გავა, მანამდე კი CNN-ის ეთერში ამ რეპორტაჟის ანონსი ტრიალებს“, - ნათქვამია ინფორმაციაში.

ავთანდილ წულაძე - მაკრონის, შოლცისა და ტუსკის შეხვედრის შემდეგ ცხადი გახდა, რომ უკრაინის იარაღის გარეშე დატოვების გეგმა ჩავარდა, ევროპისა და უკრაინა-რუსეთს შორის სამხედრო დაპირისპირება გაგრძელდება  და გაღრმავდება
„საქართველო მეცნიერების ქვეყანაა“ - აკადემიკოსი როინ მეტრეველი
ქართული პრესის მიმოხილვა 18.03.2024
კავკასიის ავტომარკეტი - ავტომობილის ყიდვის ახლებური გამოცდილება
ქართული ღვინის წარმატება იაპონიაში - TSV Estate Winery-მ განსაკუთრებული მოწონება დაიმსახურა
ახალი „ბაკურიანი“ ხილის გემოთი - ნატურალური მინერალური წყალი, ბაკურიანის მთებიდან, ნაკლები შაქრით