ტურიზმის ეროვნულმა ადმინისტრაციამ საერთაშორისო ტურისტულ გამოფენაში IBTM 2019 მიიღო მონაწილეობა

ეკონომიკისა და მდგრადი განვითარების სამინისტროს ტურიზმის ეროვნულმა ადმინისტრაციამ ესპანეთში, ბარსელონას საერთაშორისო ტურისტულ გამოფენაში IBTM 2019 მიიღო მონაწილეობა. როგორც „ინტერპრესნიუსს“ ტურიზმის ეროვნული ადმინისტრაციიდან აცნობეს, „IBTM 2019“ საქმიანი ტურიზმის მიმართულებით მსოფლიოში ერთ-ერთი ყველაზე მასშტაბური გამოფენაა.

ბარსელონას გამოფენაზე ტურიზმის ეროვნული ადმინისტრაციის საკონვენციო და საგამოფენო ბიურო იყო წარმოდგენილი.

გამოფენაში ტურიზმის ეროვნულ ადმინისტრაციასთან ერთად 16 კერძო კომპანია და სახელმწიფო უწყება მონაწილეობდა, მათ შორის აჭარის ტურიზმისა და კურორტების დეპარტამენტი და თბილისის მერია.

„IBTM 2019“-ს -ის ფარგლებში საქართველოს სტენდთან განთავსებული იყო საქართველოს ტურისტული პოტენციალის ამსახველი ბეჭდური, ფოტო და ვიდეო მასალა. სტუმრებისთვის გაიმართა ქართული ღვინის დეგუსტაცია.

ბიზნეს ვიზიტორებისთვის გათვალისწინებულ გამოფენაზე

ტურიზმის ეროვნული ადმინისტრაციის საკონვენციო და საგამოფენო ბიუროს წარმომადგენლებმა უცხოელი კოლეგებისათვის პრეზენტაციები გამართეს, საქართველოში სხვადასხვა მასშტაბური ღონისძიებების ჩატარების მიზნით მოლაპარაკებები გაიმართა საერთაშორისო კომპანიებთან.

ესპანეთში და ევროპის სხვადასხვა ქვეყნებში საქართველოს ტურისტული მიმართულების პოპულარიზაციის მიზნით გამოფენის ფარგლებში სხვადასხვა მარკეტინგული კომპანიების წარმომადგენლებთან შეხვედრები გაიმართა.

ბარსელონას გამოფენაზე 140-ზე მეტი ქვეყნის 3000 მეტი მიმართულება იყო წარმოდგენილი.

გამოფენას ტურიზმის სფეროს 15,000 მეტი წარმომადგენელი დაესწრო.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს