ირაკლი კობახიძის დაძახებულზე ჩვენ არანაირ გადაწყვეტილებას არ ვიღებთ, - ასე გამოეხმაურა "ერთიანი ნაციონალური მოძრაობის" წევრი თინა ბოკუჩავა პარლამენტის ყოფილი თავმჯდომარის ირაკლი კობახიძის განცხადებას, რომლის მიხედვითაც, დიპლომატიური კორპუსის ინიციატივით, ხვალ ხელისუფლება და ოპოზიცია ერთმანეთს შეხვდება.
"თუ დიპლომატიური კორპუსის მითითებით არის შეხვედრა, თავად დიპლომატიური კორპუსი გააკეთებს ამასთან დაკავშირებით განცხადებას და შემდეგ მივიღებთ გადაწყვეტილებას. კობახიძის დაძახებულზე ჩვენ არანაირ გადაწყვეტილებას არ ვიღებთ", -განაცხადა ბოკუჩავამ.
შეგახსენებთ, რომ პარლამენტის ყოფილი თავმჯდომარის ირაკლი კობახიძის ინფორმაციით, დიპლომატიური კორპუსის ინიციატივით, ხვალ ხელისუფლება და ოპოზიცია ერთმანეთს შეხვდება. შეხვედრაზე საუბარი შეეხება მათ შორის, ე.წ. გერმანულ მოდელს. როგორც ჟურნალისტებს კობახიძემ განუცხადა, დღეს, დღის ბოლომდე დაზუსტდება შეხვედრის ადგილი და ფორმატი.