სემეკმა სს „თელასი“ დააჯარიმა

საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ (სემეკ) სს „თელასი“, სალიცენზიო პირობების დარღვევის გამო, სახელმწიფო ბიუჯეტის სასარგებლოდ, 5000 ლარით დააჯარიმა. ამის შესახებ „ინტერპრესნიუსს“ სემეკიდან აცნობეს.

მათივე ინფორმაციით, ნაკისრი ვალდებულებების შეუსრულებლობის გამო, სს „თელასს“ დაევალა შპს „ტორნადოსთვის“, კომპენსაციის სახით, მოთხოვნილი პარამეტრებით ელექტროენერგიის ქსელზე მიერთების საფასურის 50%-ის - 4 650 ლარის გადახდა.

„მიმდინარე წელს შპს „ტორნადომ“ მიმართა სს „თელასს“ და მოითხოვა თბილისში მდებარე ობიექტის ქსელზე მისაერთებელი სიმძლავრის გაზრდა. სს „თელასმა“ მიიღო განაცხადი და იკისრა მისი შესრულება. მიუხედავად იმისა, რომ არ ფიქსირდებოდა ხელის შემშლელი გარემოებები, სს „თელასმა“ არ უზრუნველყო განსაზღვრულ ვადებში ობიექტისთვის მოთხოვნილი პარამეტრებით ელექტროენერგიის მიწოდება. თუმცა, სს „თელასმა“ სემეკის ელექტრონულ ჟურნალში მიუთითა, რომ შპს „ტორნადოს“ მოთხოვნა ვადებში იყო შესრულებული.

სემეკის გადაწყვეტილებით, სს „თელასს“ დაევალა შპს „ტორნადოსთვის“ კუთვნილი ობიექტის სიმძლავრის გაზრდის უზრუნველყოფა განსაზღვრულ ვადებში. იმ შემთხვევაში, თუ კვლავ ექნება ადგილი ვადის დარღვევას, კომპანიას შპს „ტორნადოსთვის“ კომპენსაციის სახით მიერთების საფასურის 100%-ის გადახდა მოუწევს. ამასთანავე, მსგავსი დარღვევების განმეორების შემთხვევაში, სს „თელასი“ 15 000 ლარით დაჯარიმდება“, - ნათქვამია ინფორმაციაში.

ხათუნა ლაგაზიძე - ვინც აირჩიეს, ის წავიდა და ვინც დარჩა, ისინი არ აურჩევიათ, პარლამენტის არალეგიტიმურობას პარლამენტში მარტო ოპოზიციის არარსებობა არ ქმნის
ქართული პრესის მიმოხილვა 15.01.2021
პაატა ცაგარეიშვილი  - საქართველოს სატრანზიტო შესაძლებლობები იმ შემთხვევაში აღმოჩნდება საფრთხის ქვეშ, თუ სომხეთი ახლო მომავალში შეძლებს გახდეს სატრანზიტო ქვეყანა
სოციალური ბარათის პინ კოდის მოქმედების ვადა 15 აპრილამდე გაგრძელდა
ინექსკრედიტი - ახალი პროდუქტი ინტელიექსპრესისგან, ქართველი ემიგრანტებისა და მათი ოჯახის წევრებისთვის
ორამინ-F - საკვები დანამატი, რომელიც ორგანიზმს მატებს სასიცოცხლო ენერგიასა და ტონუსს
ტერაბანკი ბიზნესკლიენტების დასახმარებლად
2021 წლის საოცარი დასაწყისი! Samsung Galaxy S21 |S21+ | S21 Ultra წინასწარი შეკვეთა დაიწყო