გრიგოლ ვაშაძე - რჩევა მინდა მივცე: არავინ არასდროს შედის მოლაპარაკებებში ხისტი პოზიციების დაფიქსირებით, თუ მისი წარმატება უნდა

ხელისუფლებამ ერთი რამ კარგად უნდა გაითავისოს - ელაპარაკება არა ოპოზიციურ პარტიებს, არამედ საქართველოს მოქალაქეებს, - ამის შესახებ გაერთიანებული ოპოზიციის ლიდერმა გრიგოლ ვაშაძემ ჟურნალისტებს განუცხადა და იქვე დასძინა, რომ ხვალინდელი შეხვედრის მომხრეა, მითუმეტეს, რომ ეს შეხვედრა სტრატეგიული მოკავშირის მიერ არის ინიცირებული.

„ჯერ არც ფორმატი ვიცით, არც მონაწილეები ვიცით. მეორე - არცერთს ამ ოთახში მყოფს არ აქვს არც თავისი პარტიის მანდატი და არც მთლიანად ოპოზიციური ფრონტის მანდატი, მესამე: დიალოგი შესანიშნავია, მაგრამ დიალოგი თუ იქნება დიალოგისთვის, მაშინ ეს ჩემთვის ყოვლად მიუღებელია, იმიტომ რომ ხელისუფლებამ ერთი რამ კარგად უნდა გაითავისოს - ელაპარაკება არა ოპოზიციურ პარტიებს, არამედ საქართველოს მოქალაქეებს. ეს {პროპორციული საარჩევნო სისტემა} არ არის მხოლოდ ჩვენი მოთხოვნა, ეს არის მთელი საზოგადოების მოთხოვნა: გამჭვირვალე, პატიოსანი, თანასწორი არჩევნები და ეუთო/ოდირის მოთხოვნები, რომელიც 27 რეკომენდაციისგან შედგება და რომელიც უპირობად უნდა შესრულდეს - ეს საქართველოს ხელისუფლების კეთილი ნება კი არ არის, როგორც ზოგიერთს ჰქონია, ეს არის საქართველოს საერთაშორისო სამართლებრივი ვალდებულება. რაც შეეხება დიალოგს - მე ჩემ პირად აზრს გეუბნებით და არა პარტიისას, დიალოგს აუცილებლად უნდა დავთანხმდეთ, მითუმეტეს, როდესაც ინიცირებულია ჩვენი სტრატეგიული მოკავშირის, ევროკავშირის მიერ და დანარჩენს უკვე ადგილზე ვნახავთ, თუმცა რჩევა მინდა მივცე: არავინ არასდროს არ შედის მოლაპარაკებებში თუ მისი წარმატება უნდა, ხისტი მიუღებელი პოზიციების დაფიქსირებით,“ - განაცხადა გრიგოლ ვაშაძემ.

თამარ ჩუგოშვილი - მე მგონი, ადამიანი არ დადის, ვისაც სჯერა, რომ უცებ მოხდა ამბოხი უმრავლესობაში - თვალში ნაცარი არავის უნდა შევაყაროთ
ქართული პრესის მიმოხილვა 14.12.2019
ვახტანგ ძაბირაძე  -  თუ სახელმწიფოს მართვის სისტემის შეცვლა გინდა, იმ გზას კი არ უნდა გადიოდე, რომელიც შენმა წინამორბედმა გაიარა
კომპანია „ფრეგოს“ მთავარი ინვესტორი განცხადებას ავრცელებს
„კავკასუს როუდ პროჯექტმა“ ბიზნეს პროცესების ავტომატიზაცია BDO-სთან პარტნიორობით განახორციელა
"Sarajishvili 2020" - უნიკალური გემოსა და დიზაინის მქონე სასმელი ამაღლებული საახალწლო განწყობისთვის
საფეხბურთო კლუბი „სამტრედია“ უმაღლეს ლიგაში გადავიდა