გიორგი ვაშაძე - ერთხელ და სამუდამოდ ხელისუფლება იქნება ანგარიშვალდებული ხალხის წინაშე და არა დიდი ფულის წინაშე

ერთხელ და სამუდამოდ ხელისუფლება იქნება ანგარიშვალდებული ხალხის წინაშე და არა დიდი ფულის წინაშე, - ასე შეაფასა გაერთიანებული ოპოზიციის მიერ შემუშავებული საარჩევნო სისტემის ახალი მოდელი „ახალი საქართველოს“ ლიდერმა, გიორგი ვაშაძემ.

მისი თქმით, ოპოზიცია მწყობრად მოქმედებს და საზოგადოება ნახავს მათ მიერ შემუშავებულ კანონპროექტს, რომელიც სრულ შესაბამისობაშია კონსტიტუციასთან.

„ეს არ არის სრულად პროპორციული საარჩევნო სისტემა, მაგრამ ეს ითვალისწინებს იმას, რომ კონსტიტუცია არ იცვლება. პროპორციული საარჩევნო სისტემის მისწრაფებები გათვალისწინებული იქნება, იქნება მაჟორიტარული არჩევნებიც, მაგრამ მთავარი იცით რა არის? ამ საარჩევნო სისტემით მანიპულაციას ვერ შეძლებს ვერავინ და ყველა იძულებული იქნება დაემორჩილოს ხალხის ნებას, რასაც გადაწყვეტს ხალხი, ის იქნება. ერთხელ და სამუდამოდ ხელისუფლება იქნება ანგარიშვალდებული ხალხის წინაშე და არა დიდი ფულის წინაშე ან ვინმეს წინაშე, ვინც საარჩევნო სისტემას თავის სასიკეთოდ გამოიყენებს“, - განაცხადა გიორგი ვაშაძემ.

მისივე თქმით, შემუშავებულ ვერსიას მოიწონებს საერთაშორისო ინსტიტუტებიც და არასამთავრობო სექტორიც.

მისი თქმით, „ჯიბის იურისტები“ და „ქართული ოცნების“ ლიდერები შავზე-თეთრის მტკიცებით სახეს კარგავენ.

„ელემენტარულად, ცოტა სახე მაინც შეინარჩუნონ, იმიტომ, რომ საბოლოო ჯამში ხომ გაირკვევა, რომ ეს ყველაფერი კონსტიტუციასთან შესაბამისობაშია“, - განაცხადა გიორგი ვაშაძემ.

თორნიკე ჯანაშვილი - ქვეყანა ღრმა ეკონომიკურ კრიზისშია  და მომავალ წელს უფრო მძიმე  კრიზისის  წინაშე  შეიძლება აღმოვჩნდეთ
ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 07.08.2020
იგორ ტიშკევიჩი - უახლოესი 3-4 წელი მოსკოვის აგრესიული პოლიტიკის გამო პოსტსაბჭოთა ქვეყნებისთვის მშვიდობიანი ვერ იქნება
სიახლე ლიბერთის CASH-IN ბანკომატებში: უნიკალური სერვისი - „ვალუტის კონვერტაცია უბარათოდ“ უკვე ხელმისაწვდომია
ქართულმა ფარმაცევტულმა საწარმო „ავერსი-რაციონალმა“ საერთაშორისო აღიარება კიდევ ერთხელ მოიპოვა
ბიზნეს და საჯარო მონაცემების პირველი ერთიანი პლატფორმა საქართველოში
როგორ გაუზომავენ სიცხეს მოსწავლეთა ერთდროულ ნაკადს?
ბარათიდან თანხის განაღდების ახალი სერვისი ლიბერთის მომხმარებლისთვის „ნიკორა სუპერმარკეტის“ ქსელში
ახალი Galaxy Note 20 და Note 20 Ultra წინასწარი შეკვეთა დაიწყო