რუსულ ენას ქართული საგანმანათლებლო სისტემა სთავაზობს მოქალაქეებს, ვისაც სურთ ენის შესწავლა. არამგონია, ამაში რუსეთის მოხმარება გვჭირდებოდეს, - ასე უპასუხა „შენების მოძრაობის“ ლიდერმა დავით უსუფაშვილმა ჟურნალისტების შეკითხვას.
უსუფაშვილი რუსი დიპლომატის, გრიგორი კარასინის განცხადებას გამოეხმაურა, რომელიც თბილისში რუსული ენისა და კულტურის ცენტრის გახსნას შეეხებოდა.
"რაც მეტი ენა ეცოდინება ჩვენს ბავშვებს და ჩვენც, უკეთესი იქნება, მაგრამ, მგონი, ეს საქართველოს განათლების სამინისტროს საქმეა. ჩვენ რუსეთის მხრიდან ამ საქმეში დახმარება არ გვჭირდება", - განაცხადა უსუფაშვილმა.
შეგახსენებთ, რუსი დიპლომატის, გრიგორი კარასინის განცხადებით, დეკემბრის შუა რიცხვებში, თბილისში, რუსული ენისა და კულტურის ცენტრი გაიხსნება, „რომელიც უდავოდ მნიშვნელოვან როლს შეასრულებს რუსეთსა და საქართველოს შორის ურთიერთობების განვითარებაში“. შესაბამისი კომენტარი კარასინმა რუსულ მედიასთან, ზურაბ აბაშიძესთან პრაღაში გუშინ გამართული შეხვედრის შემდეგ გააკეთა.