ნინო ბურჯანაძე - ყოველთვის მივესალმები ნებისმიერ ისეთ ინიციატივას, რომელიც მიმართულია იმისკენ, რომ ადამიანებმა უკეთ გაიცნონ სხვა სახელმწიფოს კულტურა და ენა

„დემოკრატიული მოძრაობის" ლიდერი ნინო ბურჯანაძე რუსული ენისა და კულტურის ცენტრის გახსნის შესახებ გრიგორი კარასინის განცხადებას რუსულ-ქართულ ურთიერთობებში ყინულის გალღობად აფასებს.

როგორც ნინო ბურჯანაძემ „ინტერპრესნიუსს“ განუცხადა, ყოველთვის მიესალმება ნებისმიერ ისეთ ინიციატივას, რომელიც იქნება მიმართული იმისკენ, რომ ადამიანებმა უკეთ გაიცნონ სხვა სახელმწიფოს კულტურა, ენა, ადამიანებს შორის კომუნიკაცია და ურთიერთობა უფრო ახლო იყოს.

„მაგრამ, ძალიან ბევრი პრობლემაა რუსულ-ქართულ ურთიერთობებში, ძალიან მტკივნეული პრობლემები, რომელიც არის პრიორიტეტული და მნიშვნელოვანი და იქაც თუ არ დაიძრა ყინული, მარტო ეს თემა არ იქნება საკმარისი და შეიძლება არასწორადაც იყოს გაგებული. ამიტომ, მე ვფიქრიბ, რომ სხვადასხვა ფრონტიდან არის სამუშაო იმ მიმართულებით, რომ რუსულ- ქართული ურთიერთობები ნორმალურ ეტაპზე გადავიდეს“, - განაცხადა ბურჯანაძემ.

შეგახსენებთ, რუსი დიპლომატის, გრიგორი კარასინის განცხადებით, დეკემბრის შუა რიცხვებში, თბილისში, რუსული ენისა და კულტურის ცენტრი გაიხსნება, „რომელიც უდავოდ მნიშვნელოვან როლს შეასრულებს რუსეთსა და საქართველოს შორის ურთიერთობების განვითარებაში“. შესაბამისი კომენტარი კარასინმა რუსულ მედიასთან, ზურაბ აბაშიძესთან პრაღაში გუშინ გამართული შეხვედრის შემდეგ გააკეთა.

თამარ ჩუგოშვილი - მე მგონი, ადამიანი არ დადის, ვისაც სჯერა, რომ უცებ მოხდა ამბოხი უმრავლესობაში - თვალში ნაცარი არავის უნდა შევაყაროთ
ქართული პრესის მიმოხილვა 14.12.2019
ვახტანგ ძაბირაძე  -  თუ სახელმწიფოს მართვის სისტემის შეცვლა გინდა, იმ გზას კი არ უნდა გადიოდე, რომელიც შენმა წინამორბედმა გაიარა
კომპანია „ფრეგოს“ მთავარი ინვესტორი განცხადებას ავრცელებს
„კავკასუს როუდ პროჯექტმა“ ბიზნეს პროცესების ავტომატიზაცია BDO-სთან პარტნიორობით განახორციელა
"Sarajishvili 2020" - უნიკალური გემოსა და დიზაინის მქონე სასმელი ამაღლებული საახალწლო განწყობისთვის
საფეხბურთო კლუბი „სამტრედია“ უმაღლეს ლიგაში გადავიდა