საშა ტერნესი - მოხარული ვართ დღევანდელი ინიციატივით - ბიზნესისთვის 100 საინვესტიციო ქონების შეთავაზებით

გერმანიის ბიზნესასოციაციის სამეთვალყურეო საბჭოს თავმჯდომარე, საშა ტერნესი პოზიტიურად აფასებს პროექტს „100 საინვესტიციო შეთავაზება ბიზნესს“, რომელიც ეკონომიკისა და მდგრადი განვითარების სამინისტრომ მოამზადა და დღეს ბიზნესსსექტორს დეტალურად გააცნო, - ამის შესახებ „ინტერპრესნიუსს“ ეკონომიკისა და მდგრადი განვითარების სამინისტროდან აცნობეს.

„მოხარული ვართ დღევანდელი ინიციატივით - ბიზნესისთვის 100 საინვესტიციო ქონების შეთავაზებით. განსაკუთრებით კი იმიტომ, რომ ქონების უმეტესი ნაწილი მიწის ნაკვეთია და მიწის ნაკვეთი ყოველთვის მწირი რაოდენობითაა ხელმისაწვდომი, მით უფრო თბილისსა და სხვა დიდ ქალაქებში“, - აღნიშნა საშა ტერნესმა პროექტზე საუბრისას.

ამასთან, გერმანიის ბიზნესასოციაციის სამეთვალყურეო საბჭოს თავმჯდომარის თქმით, ბიზენსსექტორისა და ინვესტორებისთვის ძალიან კარგია იმის ცოდნა, თუ რა არის ხელმისაწვდომი ბაზარზე. მისი აზრით, ასევე მნიშვნელოვანია მშენებლობის ნებართვების მიღების პროცესის გამარტივება.

„რაც ყველაზე მნიშვნელოვანია, მთავრობამ დაგვარწმუნა, რომ ინვესტორები მიიღებენ მთელ პაკეტს - არა მხოლოდ მიწას, არამედ ყველა საჭირო წინასწარ ნებართვასა და სხვა შესაბამის დოკუმენტაციას, რაც პროცესს ძალიან მარტივს ხდის. კარგია, რომ როდესაც ადამიანები დაინტერესდებიან რომელიმე საკუთრებით, მათ მშენებლობის შესაბამისი ნებართვების მიღების ძალიან მარტივი პროცესი ექნებათ გასავლელი“, - განაცხადა საშა ტერნესმა.

თამარ ჩუგოშვილი - მე მგონი, ადამიანი არ დადის, ვისაც სჯერა, რომ უცებ მოხდა ამბოხი უმრავლესობაში - თვალში ნაცარი არავის უნდა შევაყაროთ
ქართული პრესის მიმოხილვა 13.12.2019
ვახტანგ ძაბირაძე  -  თუ სახელმწიფოს მართვის სისტემის შეცვლა გინდა, იმ გზას კი არ უნდა გადიოდე, რომელიც შენმა წინამორბედმა გაიარა
ქართული USB კაბელი ტენე, მალე მეორადი ნარჩენებისგან დამზადდება
მედიკამენტებით უზრუნველყოფის გაუმჯობესების პროგრამის ფარგლებში PSP თურქეთის წამყვანი ფარმაცევტული კომპანიის „აბდი იბრაჰიმის“ ხელმძღვანელობას შეხვდა
ახალი წლიდან სილქნეტის ოპტიკურ ქსელში სატელევიზიო პაკეტები იცვლება
„ავერსში“ ლარის კურსის გამყარებასთან დაკავშირებით მედიკამენტებზე ფასების გაიაფება დაიწყო
2021 წლიდან, ყულევში თანამედროვე ტექნოლოგიების შესაბამისი ნავთობგადამამუშავებელი ქარხნის მშენებლობა იგეგმება