ერაყის პრემიერ-მინისტრი, ადელ აბდულ მაჰდის თქმით, ის თანამდებობას ტოვებს. ინფორმაციას „ალ ჯაზირა“ ავრცელებს.
პრემიერმა განცხადება მას შემდეგ გააკეთა, რაც გუშინ, მთავრობის ძალებმა 50-ზე მეტი შეუიარაღებელი დემონსტრანტი მოკლეს. ამასთან, რამოდენიმე საათის წინ, პრემიერი ერაყის უმაღლესმა შიიტმა ლიდერმა, აითოლა ალი ალ-სისტანიმაც გააკრიტიკა და მის რეჟიმს ტირანია უწოდა.
ერაყში ბოლო ორი თვის განმავლობაში გამართული საპროტესტო აქციების დროს, სამთავრობო ძალებმა ასობით ადამიანი მოკლეს. გუშინ მთავრობამ არმიის ნაწილი ქვეყნის სამხრეთით გადაისროლა, სადაც დემონსტრანტებმა ირანის საკონსულოს ცეცხლი წაუკიდეს.
მომიტინგეები ირანს მთავრობის მხარდაჭერაში ადანაშაულებენ.