დიდი ბრიტანეთის პოლიციამ ლონდონის ხიდი გადაკეტა, რისი მიზეზიც მომხდარი ინციდენტია. ამის შესახებ სკოთლანდ-იარდი „ტვიტერის“ გვერდზე იუწყება.
რა მოხდა ხიდზე, ამის შესახებ ოფიციალური ინფორმაცია არ ვრცელდება. თვითმხილველები სროლის შესახებ იუწყებიან.
ამჟამად ლონდონის ხიდთან პოლიციის რამდენიმე ეკიპაჟია მობილიზებული. სამართალდამცველები მოსახლეობას მოუწოდებენ, თუკი ხიდის სიახლოვეს იმყოფებიან, პოლიციის რეკომენდაციებით იმოქმედონ.
კიდევ ერთი ინფორმაციით, ხიდზე ერთ მამაკაცს რამდენიმე პირი დაესხა თავს, რასაც სროლა მოყვა. სხვა დეტალების შესახებ უცნობია.