ლონდონის ხიდთან დღეს მომხდარი ინციდენტის შედეგად, რომელსაც თან ახლდა სროლა, დაჭრილია 5 ადამიანი. ამის შესახებ „ბი-ბი-სი“ იუწყება. თუმცა, ლონდონის სამედიცინო სამსახური ამ ინფორმაციას არ ადასტურებს.

ამასთან, ლონდონის პოლიცია უშვებს ვერსიას, რომ მომხდარი შესაძლოა, ტერაქტი იყოს.

მანამდე გავრცელებული ინფორმაციით, დიდი ბრიტანეთის პოლიციამ ლონდონის ხიდზე შეიარაღებული მამაკაცი მოკლა. ამის შესახებ Sky news პოლიციაში წყაროზე დაყრდნობით იუწყება.

მედიასაშუალების ინფორმაციით, ხიდზე, დანით შეიარაღებული უცნობი პირი ხალხს თავს ესხმოდა. ადგილზე მისულმა პოლიციამ დამნაშავის ლიკვიდაცია განახორციელა.

აღსანიშნავია, რომ 3-4 დეკემბერს ლონდონში ნატოს სამიტია დაგეგმილი.