გიორგი გახარია რეჯეფ თაიფ ერდოღანსა და ილჰამ ალიევთან ერთად, თურქეთში TANAP-ის ინაუგურაციაში მიიღებს მონაწილეობას
საქართველოს პრემიერ-მინისტრი გიორგი გახარია თურქეთის პრეზიდენტის მიწვევით, რეჯეფ თაიფ ერდოღანსა და აზერბაიჯანის პრეზიდენტ ილჰამ ალიევთან ერთად, 30 ნოემბერს, თურქეთში, ტრანსანატოლიური ბუნებრივი აირის მილსადენის (TANAP) პროექტის ინაუგურაციის ღონისძიებაში მიიღებს მონაწილეობას.
ცერემონია ედირნეს პროვინციაში გაიმართება. აღნიშნული ინფორმაცია „ინტერპრესნიუსს“ პრემიერის პრესსამსახურმა აცნობა.
