უზენაესი სასამართლოს გიორგი ბრწყინვალეს სახელობის დარბაზში, ევროპის საბჭოს იურიდიული პროფესიის გაძლიერების პროექტის საერთაშორისო ექსპერტი, არმან ზვრანდიანი უზენაესი სასამართლოს ადმინისტრაციულ საქმეთა საკასაციო პალატის თავმჯდომარეს, ვასილ როინიშვილსა და სისხლის სამართლის საქმეთა საკასაციო პალატის მოსამართლეს, გიორგი შავლიაშვილს შეხვდა.

როგორც „ინტერპრესნიუსს“ უზენაესი სასამართლოდან აცნობეს, საერთაშორისო ექსპერტი საქართველოში ადვოკატთა პროფესიული საქმიანობისა და ამ მიმართულებით მოქმედი კანონმდებლობის კონკრეტული დეტალებით, აგრეთვე ადვოკატთა მიმართ დისციპლინური პასუხისმგებლობის საკითხებით დაინტერესდა.

„მოსამართლეებმა ვასილ როინიშვილმა და გიორგი შავლიაშვილმა დეტალური ინფორმაცია მიაწოდეს ევროსაბჭოს ექსპერტს შეხვედრაზე დასმულ მნიშვნელოვან საკითხებთან დაკავშირებით,“ - ნათქვამია ინფორმაციაში.