ბორის ჯონსონი დონალდ ტრამპს ურჩევს, ბრიტანეთის არჩევნებში არ ჩაერიოს

დიდი ბრიტანეთის პრემიერ-მინისტრი ბორის ჯონსონი აცხადებს, რომ აშშ-ის პრეზიდენტი დონალდ ტრამპი „საუკეთესოდ“ იმოქმედებს, თუკი ბრიტანეთის არჩევნებში არ ჩაერევა.

„ის რასაც ჩვენ, როგორც ახლო მოკავშირეები და მეგობრები, ტრადიციულად არ ვაკეთებთ, ერთმანეთის საარჩევნო კამპანიებში ჩარევაა. როდესაც ისეთი ახლო მეგობარი და მოკავშირე გყავს, როგორიც შეერთებული შტატები და გაერთიანებული სამეფოა, საუკეთესო რამ, რაც შეიძლება ორივე მხარემ გააკეთოს ისაა, რომ ერთმანეთის არჩევნებში არ ჩაერიონ,“ - განაცხადა ჯონსონმა რადიო LBC-თან საუბარში.

ბრიტანეთის „კონსერვატიული პარტიის“ ზოგიერთი წარმომადგენელი შიშობს, რომ ტრამპმა, რომელიც მომავალ კვირას დაგეგმილ ნატოს სამიტთან დაკავშირებით ლონდონში ვიზიტს გეგმავს, შესაძლოა საარჩევნო კამპანიას ხელი შეუშალოს.

აშშ-ის პრეზიდენტმა ოქტომბერში განაცხადა, რომ ოპოზიციური „ლეიბორისტული პარტიის“ ლიდერი ჯერემი კორბინი ბრიტანეთისთვის "ისეთი ცუდი" იქნებოდა, რომ ჯონსონს ერჩივნა „ბრექსითის პარტიის“ ლიდერ ნიგელ ფარაჟისთან საარჩევნო პაქტს დასთანხმებოდა.

როგორც დონალდ ტრამპის ადმინისტრაციის ოფიციალურმა წარმომადგენელმა გუშინ ჟურნალისტებს განუცხადა, აშშ-ის პრეზიდენტს „სრულად გათვითცნობიერებული აქვს, რომ სხვა ქვეყნის არჩევნებში აღარასდროს ჩაერევა.“

დიდ ბრიტანეთში ვადამდელი საპარლამენტო არჩევნები 12 დეკემბერს არის დაგეგმილი.

თამარ ჩუგოშვილი - მე მგონი, ადამიანი არ დადის, ვისაც სჯერა, რომ უცებ მოხდა ამბოხი უმრავლესობაში - თვალში ნაცარი არავის უნდა შევაყაროთ
ქართული პრესის მიმოხილვა 13.12.2019
ვახტანგ ძაბირაძე  -  თუ სახელმწიფოს მართვის სისტემის შეცვლა გინდა, იმ გზას კი არ უნდა გადიოდე, რომელიც შენმა წინამორბედმა გაიარა
ქართული USB კაბელი ტენე, მალე მეორადი ნარჩენებისგან დამზადდება
მედიკამენტებით უზრუნველყოფის გაუმჯობესების პროგრამის ფარგლებში PSP თურქეთის წამყვანი ფარმაცევტული კომპანიის „აბდი იბრაჰიმის“ ხელმძღვანელობას შეხვდა
ახალი წლიდან სილქნეტის ოპტიკურ ქსელში სატელევიზიო პაკეტები იცვლება
„ავერსში“ ლარის კურსის გამყარებასთან დაკავშირებით მედიკამენტებზე ფასების გაიაფება დაიწყო
2021 წლიდან, ყულევში თანამედროვე ტექნოლოგიების შესაბამისი ნავთობგადამამუშავებელი ქარხნის მშენებლობა იგეგმება