არჩილ თალაკვაძის განმარტებით, დღევანდელმა შეხვედრამ აჩვენა, რომ ე.წ. გერმანული მოდელი საქართველოს კონსტიტუციასთან შესაბამისი არ არის

ამ შეხვედრამ კიდევ ერთხელ აჩვენა ცხადად, რომ ე.წ. გერმანული მოდელი საქართველოს კონსტიტუციასთან შესაბამისი არ არის, - ამის შესახებ პარლამენტის თავმჯდომარემ არჩილ თალაკვაძემ ოპოზიციის, ხელისუფლების და დიპლომატების შეხვედრის შემდეგ ჟურნალისტებს განუცხადა.

მისი თქმით, არ არის გამორიცხული, რომ პოლიტიკური კონსულტაციები სამომავლოდ კიდევ შედგეს.

„პირველი შეხვედრა შედგა, რამაც კიდევ ერთხელ დაადასტურა ის რაც, ჩვენ ოპოზიციის მისამართით არაერთხელ ვთქვით და რაც თქვეს ჩვენმა საერთაშორისო პარტნიორებმა, რომ პოლიტიკურ მხარეებს შორის ასეთი შეხვედრა არგუმენტების გასაცვლელად კარგი ფორმატი იქნებოდა. დღეს ეს მოხდა. ამ შეხვედრამ კიდევ ერთხელ აჩვენა ცხადად, რომ ე.წ. გერმანული მოდელი საქართველოს კონსტიტუციასთან შესაბამისი არ არის, შესაბამისად, იმ ფორმით და იმ ინიციატივით, როგორც ეს ჰქონდა ოპოზიციას წარმოდგენილი, შეუძლებელია მისი განხორციელება. დღეს, სანამ ეს შეხვედრა დამთავრდებოდა, რამდენიმე სხვა პოლიტიკურ საკითხზეც იყო დისკუსია და ამ საკითხების განხილვამ ასევე გვაჩვენა, რომ თვითონ ოპოზიციაც დღეს ყველა საკითხებზე არ არის შეთანხმებული, რომელიც ამ ფორმატში წამოიჭრა. შესაბამისად, მომავალში არ გამოვრიცხავთ, რომ ასეთი პოლიტიკური კონსულტაციები კიდევ შედგეს. ჩვენ, როგორც დღეს, ისევე მომავალშიც პოლიტიკური კონსულტაციების გასაგრძელებლად მზად ვართ“, - განაცხადა არჩილ თალაკვაძემ.

ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ქართული პრესის მიმოხილვა 06.07.2020
ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
უპროცენტო განვადება და საჩუქარი მომხმარებელს - რას სთავაზობს კომპანია ,,ჯეო გლასი"
ბიზნეს-ცენტრი ატრიუმი - პრაქტიკული არჩევანი
„PSP ყველგან შენი ოჯახის გვერდით“ კამპანიის ფარგლებში ბრიტანული კონცეფციის აფთიაქი წყნეთში გაიხსნა
ტერაბანკი ბიზნესკლიენტებს საქმიანობის პოპულარიზაციაში დაეხმარება
ლიბერთი იპოთეკური სესხების სუბსიდირების სახელმწიფო პროგრამაში ჩაერთო