არჩილ თალაკვაძე - გარკვეული პასუხისმგებლობა 2020 წლის არჩევნებზე, ოპოზიციურმა პარტიებმაც უნდა აიღონ

თარიღის შეცვლის გადაწყვეტილებაზე საკმარისი ხმები რომ ვერ მოგროვდა, ეს იმას არ ნიშნავს, რომ ქვეყანა ასრულებს დემოკრატიულ განვითარებას, - ამის შესახებ პარლამენტის თავმჯდომარემ არჩილ თალაკვაძემ ოპოზიციის, ხელისუფლების და დიპლომატების შეხვედრის შემდეგ ჟურნალისტებს განუცხადა.

როგორც თალაკვაძე განმარტავს, დღეს კიდევ ერთხელ დადასტურდა, რომ „გერმანული მოდელი“ ქართულ კონსტიტუციასთან შესაბამისობაში არ არის.

„მოდელი, რომელსაც ჩვენ მხარს ვუჭერდით ერთი წლის წინ საკონსტიტუციო რეფორმის ფარგლებში, „ქართულმა ოცნებამ“ მიიღო, რა თქმა უნდა, ჩვენ გვქონდა სურვილი, შეცვლილიყო პროპორციული არჩევნების თარიღი 2024 წლიდან 2020 წლამდე, თუმცა, ამ გადაწყვეტილებას ნებისმიერ დემოკრატიულ სახელმწიფოში საბოლოო ჯამში, ქვეყნის პარლამენტი იღებს. ასეთი გადაწყვეტილება მიიღო პარლამენტმა, რა თქმა უნდა, ჩვენც გულდაწყვეტილები ვართ, რომ ასეთი გადასვლა ვერ მოხდა, თუმცა, ყველამ უნდა მიიღოს, რომ ეს არის პარლამენტის გადაწყვეტილება და უნდა გავაგრძელოთ მოძრაობა. თარიღის შეცვლის გადაწყვეტილებაზე საკმარისი ხმები რომ ვერ მოგროვდა, ეს არ არის პოლიტიკური პროცესის შეწყვეტა, ეს არ ნიშნავს, რომ ქვეყანა ასრულებს დემოკრატიულ განვითარებას. ჩვენ რასაც ვგეგმავთ, არის ის, რომ მოვემზადოთ 2020 წლის არჩევნებისთვის, ჩვენ მას აუცილებლად დემოკრატიულად და გამჭვირვალედ ჩავატარებთ. გარკვეული პასუხისმგებლობა 2020 წლის არჩევნებზე, რა თქმა უნდა, ოპოზიციურმა პარტიებმაც უნდა აიღონ. დღეს, კიდევ ერთხელ ვნახეთ, რომ „გერმანული მოდელი“ არ არის შესაბამისი საქართველოს კონსტიტუციასთან. ამაზე მომდევნო კონსულტაციებში შესაძლოა, კიდევ დავხარჯოთ დრო. ჩვენ თავიდანვე რამდენიმეჯერ მოვუწოდეთ ოპოზიციას, რომ დავუბრუნდეთ ნორმალურ პროცესს, დავუბრუნდეთ პოლიტიკურ განხილვებს და დისკუსიებს, რა თქმა უნდა, ამისთვის მზად ვიქნებით მომავალშიც“, - განაცხადა თალაკვაძემ.

ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
ქართული პრესის მიმოხილვა 22.01.2021
არჩილ მორჩილაძე - ბიუჯეტის ხარჯზე მედიკამენტების ხარჯების ანაზღაურებას სახელმწიფოს მიერ დასაქმებული ადამიანები და მათი ოჯახის წევრები, 250 000-ზე მეტი ადამიანი იღებს, როცა უამრავი სოციალურად დაუცველი ამ დაფარვის მიღმაა დარჩენილი
რა გეგმები აქვს ქუთაისის საერთაშორისო უნივერსიტეტს და რა პროგრამებს სთავაზობს სტუდენტებს? - ინტერვიუ უნივერსიტეტის კანცლერ მაგდა მაღრაძესთან
სილქფესტი მომხმარებლებს უქმეებზე ულიმიტო ინტერნეტ და უსასრულო სასაუბრო პაკეტების გააქტიურებას სთავაზობს
დეველოპერული კომპანია „ბლოქსი“ ქალაქ ზუგდიდში მულტიფუნქციური სავაჭრო ცენტრის მშენებლობას იწყებს
ევროკავშირის და FAO-ს მხარდაჭერით ქართველი ფერმერები შემოსავლებს და წარმოებას ზრდიან