ირაკლი კობახიძე - ოპოზიცია ზოგად იდეებზე გადაერთო, ამ იდეებზე თვითონ ოპოზიციის წარმომადგენლებს შორისაც წინააღმდეგობა იყო

"როდესაც ოპოზიცია ე.წ. გერმანული მოდელის კონსტიტუციასთან შეუსაბამობაში დარწმუნდა, ზოგად იდეებზე გადაერთო. ერთმანეთშიც არ ჰქონდათ ეს იდეები შეთანხმებული" , - ამის შესახებ საპარლამენტო უმრავლესობის წევრმა ირაკლი კობახიძემ ჟურნალისტებს ოპოზიციასთან შეხვედრის დასრულების შემდეგ განუცხადა. მისი თქმით, კონსტიტუციაში არანაირი ცვლილება არ განხორციელდება.

კობახიძემ შეხვედრის დასრულების შემდეგ კიდევ ერთხელ აღნიშნა, რომ ხელისუფლებას ოპოზიციისთვის რაიმეს შეთავაზების საფუძველი არ აქვს. მისივე თქმით, ოპოზიცია იმყოფება იმ ვითარებაში, როცა გამოსავალი თავად უნდა მოიფიქროს.

"მსჯელობა საარჩევნო სისტემასთან დაკავშირებულ საკითხებთან გვქონდა. ზოგადად, რამდენიმე თემა გამოიკვეთა. ჩვენი მხრიდან აღინიშნა, რომ რაიმე ტიპის საკონსტიტუციო ცვლილების განხორციელების რესურსი არ არსებობს. ყველა ხედავს, რომ არარეალისტურია რაიმე ტიპის საკონსტიტუციო ცვლილების განხორციელება. სწორედ ამიტომ ისინი ისეთ მოდელს გვთავაზობენ, რომელიც მათი თქმით, კონსტიტუციასთან თავსებადია. ჩვენ „გერმანულ მოდელზე“ მსჯელობა გვქონდა და ამ დისკუსიის განმავლობაში ყველამ დაინახა, რომ ე.წ. გერმანული მოდელი წინააღმდეგობაშია საქართველოს კონსტიტუციასთან. როდესაც ამაში დარწმუნდნენ, ამის შემდეგ ოპოზიცია გარკვეულ ზოგად იდეებზე გადაერთო. ერთმანეთშიც არ ჰქონდათ ეს იდეები შეთანხმებული. ამ იდეებზე თვითონ ოპოზიციის წარმომადგენლებს შორისაც იყო წინააღმდეგობა.

კონსულტაციები გაგრძელდება და თუ შეძლებენ რაიმე ისეთი წინადადების წარმოდგენას, რომელიც კონსტიტუციასთან თავსებადია, შეგვიძლია განვიხილოთ.

ჩვენი მხრიდან შეთავაზების გაკეთებას არ აქვს საფუძველი. ოპოზიციამ უნდა გააკეთოს ასეთი შეთავაზება. ისინი არიან იმ ვითარებაში, როდესაც მათ უნდა მოიფიქრონ გამოსავალი მათი მდგომარეობიდან. შესაბამისად, წინადადებას მათგან დაველოდებით,"- განაცხადა კობახიძემ.

პაატა ცაგარეიშვილი  - საქართველოს სატრანზიტო შესაძლებლობები იმ შემთხვევაში აღმოჩნდება საფრთხის ქვეშ, თუ სომხეთი ახლო მომავალში შეძლებს გახდეს სატრანზიტო ქვეყანა
ქართული პრესის მიმოხილვა 15.01.2021
იაგო კაჭკაჭიშვილი  - „ოცნების“ „დაისი“ ახლოვდება, ივანიშვილმა დაასწრო მისი, როგორც დამარცხებული ლიდერის როლში ყოფნის პერსპექტივას  და წასვლით ერთგვარად თავი დაიზღვია
პირველი დამოუკიდებელი სარეკლამო სტუდია 29 წელს ითვლის
ტერაბანკი BDO Digital-თან პარტნიორობით პროცესების რობოტიზაციას (RPA) იწყებს
პროკრედიტ ბანკის სათავო ოფისი მსოფლიოს მწვანე შენობების სიაში შევიდა