კავკასიის საერთაშორისო უნივერსიტეტში დირექტორთა და მასწავლებელთა მესამე ეროვნული კონფერენცია გაიმართა

კავკასიის საერთაშორისო უნივერსიტეტში, საჯარო და კერძო სკოლების დირექტორთა და მასწავლებელთა მესამე ეროვნული კონფერენცია თემაზე „ზოგადსაგანმანათლებლო დაწესებულებებში ინოვაციური ტექნოლოგიებისა და მეთოდოლოგიების დანერგვის ხელშეწყობა“ გაიმართა. ამის შესახებ „ინტერპრესნიუსს“ კავკასიის საერთაშორისო უნივერსიტეტიდან აცნობეს.

მათი ინფორმაციით, კონფერენცია კავკასიის საერთაშორისო უნივერსიტეტის რექტორმა კახაბერ კორძაიამ გახსნა, რომელმაც კონფერენციის მნიშვნელობაზე ისაუბრა და მომხსენებლებს წარმატებული მუშაობა უსურვა. კონფერენციის მონაწილეებს ასევე მიესალმენ საქართველოს განათლების, მეცნიერების, კულტურისა და სპორტის მინისტრის მოადგილეები ეკატერინე დგებუაძე და ნუნუ მიცკევიჩი, ასევე კავკასიის საერთაშორისო უნივერსიტეტის სამეცნიერო კვლევების დეპარტამენტის უფროსი სესილი გოგიბერიძე.

კონფერენციის გახსნაზე, კავკასიის საერთაშორისო უნივერსიტეტთან აქტიური თანამშრომლობისა და მხარდაჭერისთვის, მადლობის სიგელებით დაჯილდოვდნენ ირმა ტატიშვილი, ნინო მეტრეველი და დალი მინდიაშვილი.

კონფერენციაში მოხსენებით 70-მდე მომხსენებელი წარსდგა, რომლებიც 5 სექციაში მუშაობდნენ - დირექტორთა სექცია; ჰუმანიტარული საგნების სექცია; საბუნებისმეტყველო და ტექნიკური საგნების სექცია; უცხო ენის, ესთეტიკური და ფიზიკური აღზრდის სექცია; უსაფრთხო სკოლის სექცია.

დირექტორთა და მასწავლებელთა ეროვნული კონფერენციის მიზნებია საქართველოს ზოგადსაგანმანათლებლო დაწესებულებების ადმინისტრაციის მართვის შესაძლებლობების გაძლიერება სკოლებში პოზიტიური, ორგანიზებული და უსაფრთხო გარემოს უზრუნველსაყოფად; მასწავლებელთა და დირექტორთა შესაძლებლობების გაძლიერება სწავლა-სწავლების პროცესში ინოვაციური ტექნოლოგიებისა და მეთოდოლოგიების გამოყენებით; სკოლებს შორის თანამშრომლობის განვითარება ერთიანი აკადემიური სივრცის ჩამოყელიბების მიზნით; ზოგადსაგანმანათლებლო დაწესებულებებში კვლევითი საქმიანობის წახალისება; თანამედროვე ტექნოლოგიების სასწავლო პროცესში დანერგვის გამოცდილების გაზიარება; საჯარო და კორძო სკოლების მართვის თანამედროვე ტექნოლოგიების განხილვა და სხვა.

ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ქართული პრესის მიმოხილვა 06.07.2020
ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
დეველოპერული კომპანია "ბლოქსი" მომხმარებლებს ბინებზე გრანდიოზულ ფასდაკლებას სთავაზობს
სადაზღვევო კომპანია "ბენეფიტსი" მცირე და საშუალო ბიზნესკომპანიებს სპეციალურ პირობებს სთავაზობს
FDA-იმ IQOS-თან დაკავშირებით გადაწყვეტილება მიიღო და კომპანიის მარკეტინგის უფლება მისცა  (R)
„ალიანს ჯგუფი“ BDO-სთან პარტნიორობით SAP Business One-ს ნერგავს
გაზელ ფაინენსის ინვესტიცია სანიორეს მეღვინეობაში, ნაფარეულის მიკროზონაში ვენახების მფლობელ კომპანიაში
„თბილღვინო“ განაგრძობს საკუთარი ვენახების განვითარებას