მეუფე შიო - პოლიტიკურ ცხოვრებაში მღელვარებაა, მთავარია, შევინარჩუნოთ სიმშვიდე -   თუ  ჩვენ სიმშვიდეს დავკარგავთ, დავკარგავთ სიყვარულს, მაშინ ძალიან ცუდად შეიძლება დასრულდეს

პოლიტიკურ ცხოვრებაში მღელვარებაა, მთავარია, შევინარჩუნოთ სიმშვიდე. სირთულეებიც არის, ეს ნორმალურია, მაგრამ თუკი ჩვენ სიმშვიდეს დავკარგავთ, დავკარგავთ სიყვარულს, მაშინ ძალიან ცუდად შეიძლება დასრულდეს, რაც ჩვენ არაერთხელ გვინახავს,-ამის შესახებ საქართველოს კათოლიკოს-პატრიარქის ილია მეორეს მოსაყდრემ, მეუფე შიო მუჯირმა სამების საკათედრო ტაძარში, საკვირაო წირვა-ლოცვის დროს განაცხადა.

მეუფე შიომ ქვეყანაში არსებული ვითარების თაობაზე ისაუბრა და განაცხადა, რომ ასეთ ვითარებაში მთავარია სიმშვიდის შენარჩუნება.

„პოლიტიკურ ცხოვრებაში მღელვარებაა და გაგახსენებთ მისი უწმინდესობისა და უნეტარესობის შეგონებას, სწავლებას, რომ მთავარია შევინახოთ და შევინარჩუნოთ სიმშვიდე ასეთ დროს. როდესაც ასეთი პროცესები წარიმართება, აუცილებელია , რომ სიმშვიდის ფონზე იყოს. სირთულეებიც არის, ეს ნორმალურია, მაგრამ თუკი ჩვენ სიმშვიდეს დაკვარგავთ, დავკარგავთ სიყვარულს და შეგნებას იმისა, რომ ეს ღვთის საჩუქარია და ღმერთს უნდა ვამსახუროთ, მაშინ ძალიან ცუდად შეიძლება დასრულდეს, რაც ჩვენ არაერთხელ გვინახავს, როდესაც გადავაყოლეთ ჩვენ მრისხანებას, ამბიციებს, შეიძლება ითქვას უგუნურებას. რამდენი ტრაგედია მომხდარა ჩვენს ისტორიაში და კიდევ ერთხელ გახსენებთ ამას. ღმერთმა ყველას- ჩვენს ხალხს, ხელისუფლებას, ოპოზიციას მოგვცეს სიმშვიდე, სიმშვიდით სიყვარულით და დაფიქრებით იმაზე, რომ ყოველი დღე ჩვენს ცხოვრებაში ღვთის საჩუქარია და ყველაფერი, რაც ჩვენს გარშემოა“,-განაცხადა მეუფე შიომ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს