ჩინეთში მობილური ტელეფონების მფლობელებისთვის სახის სკანირება სავალდებულო გახდა. ამ ინფორმაციას „ბიბისი“ ავრცელებს. ამიერიდან ახალი რეგულაციების მიხედვით, ჩინეთში მობილური ტელეფონის მფლობელები ვალდებულები არიან ახალი სერვისებით სარგებლობისას სახის სკანირება გაიარონ.
ოფიციალური პეკინის განცხადებით, ახალი რეგულაციების მიზანი კიბერსივრცეში ქვეყანაში მცხოვრები მოსახლეობის უფლებებისა და ინტერესების დაცვაა. აღსანიშნავია, რომ დღევანდელი კანონმდებლობით, ჩინეთის მოქალაქეები ვალდებულები არიან მობილურ ოპერატორ კომპანიას საიდენტიფიკაციო დოკუმენტები წარუდგინონ.
ახალ კანონს სოციალურ მედიაში მოსახლეობის უკმაყოფილება მოჰყვა. ისინი აცხადებენ, რომ ხელისუფლება მათ თვალთვალს კიდევ უფრო აძლიერებს.