მალტაში ბიზნესმენი იორგენ ფენეჩი ჟურნალისტ დაფნე კარუან გალიციას მკვლელობის თანამონაწილედ სცნეს. ამ ინფორმაციას „ბიბისი“ ავრცელებს. 2017 წელს მომხდარი მკვლელობის გამოძიების შემდეგ, გადაწყვეტილება ქალაქ ვალეტას სასამართლომ მიიღო.

ცნობილი ბიზნესმენი იორგენ ფენეჩი გასულ კვირას საკუთარი იახტით კუნძულის დატოვებას ცდილობდა, რა დროსაც ის დააკავეს, მოგვიანებით კი გირაოს სანაცვლოდ გაათავისუფლეს.

შეგახსენებთ, რომ 53 წლის ჟურნალისტი და ბლოგერი დაფნე კარუანა გალიცია 2017 წლის 16 ოქტომბერს საკუთარ ავტომობილში დისტანციურად მართვად ასაფეთქებელ მოწყობილობას ემსხვერპლა. ის მალტის მმართველ წრეებში კორუფციის შემთხვევებს იძიებდა.