ბიძინა ივანიშვილს რომ დავესესხო, იგივეს ვეტყოდი - დიახ, კედელზე თავის რტყმას შეეშვან და თვალი გაუსწორონ უმძიმეს პოლიტიკურ, ეკონომიკურ, სოციალურ კრიზისს ქვეყანაში,-ამის შესახებ"ნაციონალური მოძრაობის" პოლიტსაბჭოს თავმჯდომარემ ნიკა მელიამ "ლეიბორისტული პარტიის " ოფისში ოპოზიციის ლიდერების შეხვედრის დაწყებამდე განუცხადა.

ნიკა მელიას თქმით, საპროტესტო აქციები სხვადახვა ფორმატში ქვეყნის სხვადასხვა ქალაქში გაგრძელდება, რადგან "ქართულმა ოცნებამ" 20 ივნისის პოლიტიკური ფასი არ გადაიხადა, თუმცა მას შანსი ჰქონდა, რომ პოლიტიკური კრიზისი გადაელახა და შანსი გაუშვა ხელიდან.

"საპროტესტო აქციები მანამდე გაგრძელდება, სანამ "ქართული ოცნება" არ გადაიხდის ძალიან ძვირ პოლიტიკურ ფასს. სიტყვა გატეხა "ქართულმა ოცნებამ" მას შემდეგ, რაც თითქოს მან თქვა, რომ პროპორციული საარჩევნო სისტემა თქვენ ხალხნოო. რა მოხდა შედეგად? მოხდა საპირისპირო, პროპორციული სისტემა ბიძინა ივანიშვილმა სახლში წაიღო და გახარია დააწინაურა",-განაცხადა მელიამ.

მისივე თქმით, "ქართული ოცნების" მაღალი თანამდებობის პირებს მოუწევთ რეალობას თვალი გაუსწორონ.

"ქვეყნის შიგნით არანაირი პოლიტიკური მხარდაჭერა აღარ დარჩათ, ქვეყნის გარეთაც ისინი პოლიტიკურად გაბანკროტებულები არიან, საერთაშორისო პარტნიორები მათ, როგორც სერიოზულ პარტნიორს, აღარ უყურებენ",-განაცხადა მელიამ.