მოძრაობა „ლელო“ - ,,ქართული ოცნების’’ აქტივისტების მიერ  გამართული აქციები არის  აგონიაში მყოფი ხელისუფლების მიერ მართული სამარცხვინო და სახიფათო მოვლენა

,,ქართული ოცნების’’ აქტივისტების მიერ, საქართველოს სხვადასხვა კუთხეში, გამართული აქციები არის სახედაკარგული, აგონიაში მყოფი ხელისუფლების მიერ მართული სამარცხვინო და სახიფათო მოვლენა, - ამის შესახებ მოძრაობა „ლელოს“ განცხადებაშია ნათქვამი.

„შუღლის და სამოქალაქო დაპირისპირების გაღვივება დაუშვებელია! ეს პირები არიან ხელისუფლების მიერ მართული ძალები. "ქართული ოცნების" ხელისუფლება ქვეყანას მართავს დაქსაქსვით და ურთიერთდაპირისპირებით, ეს არღვევს ჩვენი ქვეყნის დემოკრატიულად განვითარების პრინციპებს.

მოვუწოდებთ ხელისუფლებას, აღკვეთოს მსგავსი უკანონო მოქმედებები და მკაცრად დასაჯოს ყველა კანონდამრღვევი. დროულად მოძებნოს მის მიერვე შექმნილი პოლიტიკური კრიზისიდან გამოსავალი“, - აღნიშნულია განცხადებაში.

ქუთაისში „ქართული ოცნების“ მხარდამჭერებმა და წევრებმა აქცია „დემიშიზაცია ქუთაისიდან იწყება“ გამართეს. ისინი გაერთიანებული ოპოზიციის ოფისთან მივიდნენ და შენობას კვერცხები და საღებავები დაუშინეს. მოგვიანებით, აქციის მონაწილეებმა „ნაციონალური მოძრაობის“ ოფისთან გადაინაცვლეს და შენობას კვერცხები და ცოცხები ესროლეს.

ზვიად კირტავა - ფრთხილი ოპტიმიზმი შეიძლება მქონდეს, რომ შევძლებთ მოსახლეობის საყოველთაო ვაქცინაციას, მაგრამ ჯერჯერობით ფრთხილი, - გეგმა არ გვინახავს
ქართული პრესის მიმოხილვა 21.01.2021
ანდრია გვიდიანი - „ენგურჰესის“ გაჩერებამ კიდევ ერთხელ დაგვანახა, რომ ახალი ჰესების მშენებლობა სასიცოცხლოდ მნიშვნელოვანია
ეფექტური გზა რესპირაციული ინფექციების პრევენციისთვის
D ვიტამინის გავლენა რეპროდუქციულ ჯანმრთელობაზე