ნინო ბურჯანაძის განცხადებით, შესაძლოა, ოპოზიციისა და  ხელისუფლების  მოლაპარაკებების მეორე რაუნდი,  ე.წ. გერმანულ მოდელთან დაკავშირებით საერთაშორისო ორგანიზაციების დასკვნამდეც გაიმართოს

"დემოკრატიული მოძრაობის" ლიდერის ნინო ბურჯანაძის განცხადებით, შესაძლოა, ხელისუფლებასთან მოლაპარაკებების მეორე რაუნდი ე.წ. გერმანულ მოდელთან დაკავშირებით საერთაშორისო ორგანიზაციების დასკვნამდეც გაიმართოს. ბურჯანაძემ ამის შესახებ ოპოზიციის ლიდერების შეხვედრამდე განაცხადა.

ბურჯანაძე მმართველი პარტიის წევრების განცხადებებს გამოეხმაურა, რომლის მიხედვით, ე.წ. გერმანული მოდელი არაკონსტიტუციურია და აღნიშნა, რომ "რას ამბობს "ქართული ოცნება", არ აქვს მნიშვნელობა".

"მნიშვნელობა აქვს, როცა ამას ამბობს სუბიექტი, რომლის სიტყვასაც ფასი აქვს. სუბიექტს, რომლის სიტყვასაც არ აქვს ფასი, რომლის სიტყვის ფასიც არის ნული, რომელსაც შეუძლია დღეს ერთი თქვას, ხვალ მეორე - ეს სუბიექტი რას იტყვის, მნიშვნელობა არ აქვს. დისკუსია დახურული, ბუნებრივია, არ არის, რადგან გუშინ დიპლომატიური კორპუსიც ამბობდა ამას, ჩვენც ვთქვით და შევთანხმდით, რომ შემდეგი რაუნდი მოლაპარაკების დაინიშნება, როგორ არის დახურული დისკუსია? მესმის, რომ სახის შენარჩუნება უნდათ, მაგრამ სახის შენარჩუნება გონივრულია, თუ სწორ ნაბიჯს გადადგამ და კონფლიქტს მოაგვარებ, ვიდრე მაშინ, როცა ამბობ, რომ კრიზისი არ არის.

ვინც კი საქართველოზე ქვეყნის შიგნით თუ გარეთ დღეს საუბრობს, მედიასაშუალებებია, საერთაშორისო ორგანიზაციები თუ დიპლომატიური კორპუსი, ვინც ოდნავ აზროვნებს და პოლიტიკა იცის, არავის ეჭვი არ ეპარება, რომ ქვეყანაში არის ძალიან ღრმა პოლიტიკური და სახელმწიფოებრივი კრიზისი",-განაცხადა ნინო ბურჯანაძემ.

მისივე თქმით, ხელისუფლება ე.წ. გერმანულ მოდელზე შესაბამისი დასკვნის მოპოვების წინააღმდეგია.

"თავად ოდირის და ვენეციის კომისიის დასკვნის მოპოვების წინააღმდეგია ხელისუფლება, რაც ლაპარაკობს შიშზე, რომ იქიდან დასკვნა მოვა, რომ ეს არის კინსტიტუციური მოდელი და აისახება მათ მყიფე პოზიციაზე. ჩვენ არ ვართ შეზღუდულები, თუ დიპლომატიური კორპუსი ჩათვლის, რომ მზად არის მოპარაკებების მეორე რაუნდი შეიძლება ამ დასკვნების მიღებამდე შედგეს, შეიძლება დაველოდოთ დასკვნას, რომელიც ძალიან მალე უნდა ჩამოვიდეს",-განაცხადა ბურჯანაძემ.

თენგიზ ფხალაძე  -  თუკი დღეს ვინმე ხეირობს საქართველოში შექმნილი ვითარებით, ეს რუსეთია
ქართული პრესის მიმოხილვა 07.12.2019
რამაზ საყვარელიძე - არც ხელისუფლება ჰგავს პოლიტიკის დიდოსტატს და არც ოპოზიცია, ამიტომ არც ისე იწვიმებს, როგორც ისმის რევოლუციის ჭექა-ქუხილი
სამოქალაქო ავიაციის საერთაშორისო ორგანიზაცია (იკაო) 75 წლისაა
გერმანელ ეკონომისტთა ჯგუფმა (GET) საქართველოს ფინანსური სექტორის მონიტორინგის პირველი ნაწილი წარადგინა
ლიბერთის და რუსთაველის თეატრის ერთობლივი ახალი სოციალური პროექტი
ლიბერთი UN Women-ის ქალთა გაძლიერების პრინციპების გლობალურ ინიციატივას უერთდება
სუპერმარკეტების ქსელი „მაგნიტი“ წამახალისებელი გათამაშების გამარჯვებულებს 14 დეკემბერს გამოავლენს
მედიკამენტებით უზრუნველყოფის გაუმჯობესების მიზნით PSP-ში გერმანულ წამყვან მწარმოებელ კომპანია „ბერლინ-ხემის“ წარმომადგენლებთან შეხვედრა შედგა
რატომ არის კომპანია TOYOTA-ს მიერ წარმოებული ავტომობილები ასეთი პოპულარული და როგორ ზრუნავს კომპანია ხარისხის მუდმივ გაუმჯობესებაზე
„სილქნეტმა“ მობილურ ქსელში უპრეცედენტო სამუშაოები ჩაატარა - დღეისათვის კომპანია მომხმარებელს უსწრაფეს, 4.5G ინტერნეტს სთავაზობს
BDO-მ მცირე და საშუალო სავაჭრო კომპანიების წამომადგენლებს კონფერენციაზე უმასპინძლა