ბურკინა ფასოში ქრისტიანულ ეკლესიაზე თავდასხმას სულ მცირე 14 ადამიანის სიცოცხლე ემსხვერპლა, - ამის შესახებ ინფორმაციას „როიტერსი“ ავრცელებს.
სააგენტოს ცნობით, ინციდენტი ქვეყნის აღმოსავლეთ ნაწილში, სოფელ ჰენთოკურაში მდებარე ეკლესიაში ღვთისმსახურების დროს მოხდა.
აღნიშნულ რეგიონში ბოლო ერთი წლის განმავლობაში მსგავსი თავდასხმები საკმაოდ გახშირდა და მათ უკან, როგორც წესი, ალ-ქაიდასა და „ისლამურ სახელმწიფოსთან“ დაკავშირებული ჯიჰადისტური დაჯგუფებები დგანან.