სამწუხაროდ, არაფერი ივანიშვილის აგონიაში მყოფი რეჟიმისგან არ გამიკვირდება, - ამის შესახებ ჟურნალისტებს „ევროპული საქართველოს“ ერთ-ერთმა ლიდერმა გიგა ბოკერიამ საქალაქო სასამართლოში ნიკა მელიას პროცესის დაწყებამდე განუცხადა. მისივე თქმით, ნიკა მელიასთვის პატიმრობის მისჯა კიდევ უფრო დაამძიმებს მომავალში ხელისუფლების ბედს.

"თუ ამ კატასტროფულ და სკანდალურ გადაწყვეტილებას მიიღებს, მაშინ როცა განრიდებები გაუკეთეს ყველას და ნიკა მელიას მიუსჯიან საპატიმრო ვადას, იმისთვის რომ გამოთიშონ პოლიტიკური პროცესებიდან, ეს კიდევ უფრო დაამძიმებს მათ ბედს მომავალში" , - განაცხადა ბოკერიამ.