ამ მომენტში დაჭერა ვერ გაბედეს და სჭირდებათ მისი დეპუტატობიდან გაშვება, რადგან ნიკა მელია დიდ დისკომფორტს უქმნის მონებს და ბიძინა ივანიშვილს,- ამის შესახებ „ევროპული საქართველოს“ წევრმა ელენე ხოშტარიამ „ინტერპრესნიუსთან“ განაცხადა.

როგორც მან აღნიშნა, მიღებული გადაწყვეტილება ვერც ნიკა მელიას აქტიურობაზე და ვერც საპროტესტო მუხტზე ვერ აისახება.

„ეს საქმე 7 წელია მიდის, გადადებული იყო, რომ მერე შეიძლება დასჭირვებოდათ, ბევრია კიდევ თაროზე შემოდებული საქმეები, რომელსაც ნებისმიერ მომენტში გამოიყენებენ. ახლა, ამ მომენტში დაჭერა ვერ გაბედეს და სჭირდებათ მისი დეპუტატობიდან გაშვება, ერთ-ერთი ინტერპრეტაცია ასეთია იმიტომ, რომ ნიკა მელია დიდ დისკომფორტს უქმნის მონებს იმ შენობაში და ასევე, ბიძინა ივანიშვილს. თუმცა, ეს ვერანაირად აისახება ვერც ნიკა მელიას აქტიურობაზე და ვერც საპროტესტი მუხტზე,“- განაცხადა ელენე ხოშტარიამ.

ცნობისათვის, ნიკა მელიას „ბანკი ქართუს“ საქმეზე სასამართლოს გადაწყვეტილებით 25 ათას ლარიანი ჯარიმა დაეკისრა და 2,3 წლით თანამდებობის დაკავების უფლება ჩამოართვა.