საფრანგეთში, მარსელთან ახლოს, ვერტმფრენის ჩამოვარდნას სამი მაშველი ემსხვერპლა. ინფორმაციას ფრანგული მედია ავრცელებს.
EC145 ტიპის ვერტმფრენმა რადიო და სარადარო კავშირი კვირას, ღამით დაკარგა, როდესაც ქვეყნის სამხრეთ ნაწილში მიმდინარე წყალდიდობის სამაშველო სამუშაოებში იყო ჩართული.
„მაშინ როდესაც, საფრანგეთი ემზადებოდა, რომ პატივი მიეგო იმ 13 ჯარისკაცისთვის, რომლებიც მალიში დაიღუპნენ, ჩვენმა ქვეყანამ სამი გმირი დაკარგა, რომლებიც ყოველდღიურად საგმირო საქმეებს ჩადიოდნენ ჩვენი მოქალაქეების გადასარჩენად“,- განაცხადა ქვეყნის შინაგან საქმეთა მინისტრმა, კრისტოფ კაშტანერმა თემაზე კომენტირებისას.