მამუკა ხაზარაძე - ბიძინა ივანიშვილს თბილისი-მოსკოვის მიმართულებაზე „აეროფლოტის“ ბიზნესკლასის ბილეთი ვუყიდე და შეუძლია ქვეყანა დატოვოს

ბიძინა ივანიშვილს ვუყიდე ბილეთი, თბილისი-მოსკოვის მიმართულებაზე. ეს არის ბიზნესკლასი, იმიტომ, რომ შეჩვეულია კარგ ცხოვრებას და შეუძლია დატოვოს ჩვენი ქვეყანა, - ამის შესახებ საზოგადოებრივი მოძრაობა „ლელოს“ დამფუძნებელმა, მამუკა ხაზარაძემ ჟურნალისტებთან საუბრისას საქალაქო სასამართლოში განაცხადა, სადაც მისი და ბადრი ჯაფარიძის სასამართლო პროცესი იმართება.

მისი თქმით, საქართველო მას შემდეგ დაადგება განვითარების გზას, როცა ბიძინა ივანიშვილი ქვეყანას დატოვებს.

„ჩვენ რამდენიმე დღის წინ მოვისმინეთ ივანიშვილის უსირცხვილო განცხადება და დამოკიდებულება ქართველი ხალხის მიმართ, როდესაც მან თქვა, რომ ბიუჯეტის ხარჯზე დააფინანსებს 35 ევროიან ბილეთებს ქუთაისის აეროპორტიდან და მოსახლეობას, იმ ადამიანებს, ვისაც ასე ძალიან სჭირდება სამუშაო ადგილი, ნორმალური, ღირსეული ცხოვრება ჩვენ ქვეყანაში, გაუშვებს სხვა ქვეყანაში და დაეხმარება ჩვენს ისედაც დემოგრაფიულად კლებად ერს, ისედაც ძალიან მძიმე სოციალურ მდგომარეობაში მყოფ მოსახლეობას უცხოეთში დასაქმებაში. ამას აკეთებს ჩვენი ბიუჯეტით, ჩვენი გადასახადებით და პრაქტიკულად ჩვენს მოსახლეობას ეუბნება - საქართველო ქართველების გარეშე.

მე გადავწყვიტე და ბიძინა ივანიშვილს ვუყიდე ბილეთი, ეს არის „აეროფლოტის“ ბილეთი, გამოწერილია ბიძინა ივანიშვილის სახელზე. ეს არის თბილისი-მოსკოვის მიმართულება. ეს არ არის 35- ევროიანი ბილეთი, ეს არის ბიზნესკლასი, იმიტომ, რომ შეჩვეულია კარგ ცხოვრებას და მას შეუძლია დატოვოს ჩვენი ქვეყანა“, - განაცხადა ხაზარაძემ.

რაც შეეხება დღევანდელ სასამართლო პროცესს, ხაზარაძემ განაცხადა, რომ „ბიძინა ივანიშვილის პროკურატურის შოუ გრძელდება“.

იხილეთ ვიდეო

ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ქართული პრესის მიმოხილვა 09.07.2020
ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
დეველოპერული კომპანია "ბლოქსი" მომხმარებლებს ბინებზე გრანდიოზულ ფასდაკლებას სთავაზობს
სადაზღვევო კომპანია "ბენეფიტსი" მცირე და საშუალო ბიზნესკომპანიებს სპეციალურ პირობებს სთავაზობს
FDA-იმ IQOS-თან დაკავშირებით გადაწყვეტილება მიიღო და კომპანიის მარკეტინგის უფლება მისცა  (R)
„ალიანს ჯგუფი“ BDO-სთან პარტნიორობით SAP Business One-ს ნერგავს
გაზელ ფაინენსის ინვესტიცია სანიორეს მეღვინეობაში, ნაფარეულის მიკროზონაში ვენახების მფლობელ კომპანიაში
„თბილღვინო“ განაგრძობს საკუთარი ვენახების განვითარებას