"ბანკი ქართუს“ გაკოტრების საქმეზე "ერთიანი ნაციონალური მოძრაობის" ერთ-ერთი ლიდერისთვის, ნიკა მელიასთვის შეფარდებულ გამამტყუნებელ განაჩენს ადვოკატი გაასაჩივრებს.
ამის შესახებ "ინტერპრესნიუსს" ნიკა მელიას ადვოკატმა გიორგი მდინარაძემ განუცხადა.
თბილისის საქალაქო სასამართლოს გადაწყვეტილებით, " ნიკა მელია ერთ ეპიზოდში გამართლდა, მეორე ეპიზოდში - სამსახურეობრივი უფლებამოსილების ბოროტად გამოყენებაში კი მის მიმართ გამამტყუნებელი განაჩენი იქნა მიღებული.
ნიკა მელიას 25 000 - ლარიანი ჯარიმა დაეკისრა. ასევე დამატებით სასჯელად 2 წლით და 3 თვის ვადით თანამდებობის დაკავების უფლება ჩამოერთვა.
აღნიშნულ საქმეზე ნიკა მელიასა და ზურაბ ადეიშვილს ბრალი 2013 წელს წაუყენეს.
"ბანკი ქართუს" საქმეზე ნიკა მელიასა და ზურაბ ადეიშვილს სამსახურებრივი უფლებამოსილების გადამეტებასა და თვალთმაქცური გარიგებით ქონების გადამალვაში დახმარებას ედავებოდნენ.