„წლის საუკეთესო მონა“ – ამ ლოზუნგით „შეცვალეს“ აქტივისტები ირაკლი კობახიძისთვის სირცხვილის კორიდორის მოწყობას გეგმავენ

სასტუმრო "ქორთიარდ მარიოტთან", სადაც რეგიონალური საპარლამენტო კონფერენცია მიმდინარეობს, მოძრაობა "შეცვალეს" და "სირცხვილიას" წევრები არიან შეკრებილები.

მათი თქმით, კონფერენციაზე პარლამენტის ყოფილი თავმჯდომარე ირაკლი კობახიძე უნდა მივიდეს და სურთ, რომ მას დისკომფორტი შეუქმნან.

"აქ მოვედით იმისთვის, რომ ირაკლი კობახიძეს მოვუწყოთ სირცხვილის კორიდორი, რადგან ის არის ყველაზე დიდი მონა, ბიძინა ივანიშვილის მონა. ასეთი დონის კონფერენციებზე შედიან მთავარი კარით და თუ ირაკლი კობახიძე უკანა კარიდან შეიპარება, ეს ნიშნავს, რომ მას შეექმნება ძალიან დიდი დისკომფორტი, რომ გაიაროს მოქალაქეების შუაში, სადაც ისინი სირცხვილის კორიდორს უწყობენ. ჩვენ გავაგრძელებთ მათთვის დისკომფორტის შექმნას, რადგან ასე უტიფრად, თავისუფლად არ შეეძლოთ გადაადგილება", - განუცხადა "სირცხვილიას" აქტივისტმა, თამთა გოგოლაძემ "ინტერპრესნიუსს".

აქციის მონაწილეებს თან აქვთ პლაკატები: "წლის საუკეთესო მონა", "თავისუფლება ირაკლი კობახიძეს".

ამ დროისთვის კონფერენციაზე შესვენებაა გამოცხადებული და დღის წესრიგის მიხედვით, 14:30 საათზე უნდა გაგრძელდეს. „ქორთიარდ მარიოტში“ ირაკლი კობახიძე ჯერჯერობით არ მისულა.

ზაალ ანჯაფარიძე - სტაბილურობა, რომელიც დღეს გვაქვს, საკმაოდ მყიფეა - სახელმწიფოს რესურსები ულევი არ არის და ამიტომ  ხელისუფლება  ცდილობს,  თავი დაიზღვიოს
ქართული პრესის მიმოხილვა 28.01.2021
ბაიდენის პრეზიდენტობის პერიოდის საგარეო პოლიტიკა: ალბათობები და ჩვენი რეალისტური მოლოდინები
ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
სილქფესტი მომხმარებლებს ინტერნეტის და სასაუბრო პაკეტების ოთხ სააქციო პირობას სთავაზობს
JTI-ს საუკეთესო დამსაქმებლის ჯილდო გადაეცა