ვერავინ ვერანაირ გადაწყვეტილებას პარლამენტში ვერ გააპარებს,- ამის შესახებ "ნაციონალური მოძრაობის" წევრმა სალომე სამადაშვილმა ჟურნალისტებს უზენაესი სასამართლოს მოსამართლეობის კანდიდატებთან დაკავშირებით განუცხადა.
მისივე თქმით, უზნაესი სასამართლოს მოსამართლეობის ერთ- ერთი კანდიდატის და საკონსტიტუციო სასამართლოს მოქმედი თავმჯდომარის, ზაზა თავაძის გადაწყვეტილება, კონკურსში უარის თქმასთან დაკავშირებით სწორია, ხოლო პარლამენტის მხრიდან ერთადერთი სწორი ნაბიჯი კანდიდატებისთვის კენჭისყრის გადადება იქნება.
„აქციები გაგარძელდება და ნურავის ექნება ის ილუზია, რომ პარლამენტი მომავალ კვირას დაუბრკოლებლად შეძლებს მუშაობის გაგრძელებას, ვგულისხმობ პლენარულ სხდომას. ამიტომ მოსამართლეების საკითხი, ისევე როგორც ყველა სხვა საკითხი, უნდა გადაიდოს, მით უმეტეს, ამ საკითხზე არის სრული საზოგადოებრივი კონსენსუსი, რომ ამ შემადგენლობის უზენაეს სასამართლოში დამტკიცება არავითარ შემთხვევაში არ შეიძლება. ეს იქნებოდა ჩემი რჩევა.
მე ვფიქრობ, ნებისმიერი ადამიანისთვის, რომელიც საკუთარ თავს პატივს სცემს, ამ სიის შემადგენლობაში ყოფნა ალბათ, ძალიან შეურაცხმყოფელია. ამიტომ ერთადერთი სწორი გადაწყვეტილებაა, რომ მოსამართლეების დანიშვნის საკითხი მოიხსნას,"- განაცხადა სალომე სამადაშვილმა.