ირაკლი კობახიძე „ნაცმოძრაობაზე“ - თუ ისინი არიან კაცები და ქალები, მოვიდნენ და თვითონ თქვან, რაც უნდათ, მაგრამ ვერ მოდიან, რადგან ჩემგან საკადრის პასუხს მიიღებენ

იყო რამდენიმე ბავშვი შეკრებილი. “ნაცმოძრაობა” იფარებს ბავშვებს, ისიც არ იციან, ვის რა ტრანსფარანტი დააჭერინონ, - ამის შესახებ პარლამენტის ყოფილმა თავმჯდომარემ, ირაკლი კობახიძემ ჟურნალისტებს სასტუმრო „ქორთიარდ მარიოტში“ განუცხადა, სადაც რეგიონალურ საპარლამენტო კონფერენციაზე დასასწრებად მისულს ხმაურითა და შეძახილებით დახვდნენ.

„რა თქმა უნდა, ამასთან დაკავშირებით ვერაფერს ვეტყვით მათ. საყვედურის თქმაც არ შეგვიძლია. ბუნებრივია, საყვედური ეთქმის „ნაცმოძრაობას“, რომლებიც ბავშვებს იფარებენ.

თუ ისინი არიან კაცები და ქალები, მოვიდნენ და თვითონ თქვან, რაც უნდათ, რომ თქვან. იმიტომ ვერ მოდიან, რომ იციან, ჩემგან მძიმე და საკადრის პასუხს მიიღებენ. ამიტომ ვერ ბედავენ ამის გაკეთებას. ესაა მათი სახე. ისიც უნდა იცოდნენ, გოგოს რა უნდა დააჭერინონ ხელში და ბიჭს რა უნდა დააჭერინონ. ტრანსფარანტები მაქვს მხედველობაში“, - განაცხადა კობახიძემ.

რაც შეეხება „ქართული ოცნების“ მხარდამჭერების მიერ დაანონსებულ აქციებს, როგორც კობახიძე აცხადებს, „არავითარი კონტრაქცია არ იქნება.

„არაფერი გვაქვს „საკონტრაქციო“ „ნაციონალურ მოძრაობასთან“. ისინი მილევად რეჟიმში არიან და მიილევიან. იმართება გარკვეული აქციები, რომელსაც პოლიტიკურ პროცესთან კავშირი არ აქვს და ეძღვნება ევროპის საბჭოში საქართველოსთვის თავმჯდომარე ქვეყნის სტატუსის მინიჭებას“, - აღნიშნა კობახიძემ.

რაც შეეხება ქუთაისში მომხდარ ინციდენტს, როგორც პარლამენტის ყოფილმა თავმჯდომარემ განაცხადა, „აქ იყო პასუხი ოპოზიციის დესტრუქციაზე“. მისივე თქმით, სჯობს, ოპოზიციის დესტრუქციაზე რეაგირება არ მოხდეს.

„მინდა ჩვენს მხარდამჭერებს ვთხოვო და მოვუწოდო სიმშვიდისკენ. კვერცხების და სხვა ნივთების სროლა არასწორია, „ნაცმოძრაობის“ ხელწერაა და მათ დავუტოვოთ“, - აღნიშნა კობახიძემ.

ვიქტორ ყიფიანი - გარე პროცესების გავლენათა მართვა ყველა ჩვენგანის თანამონაწილეობას და საზიარო პასუხისმგებლობას მოითხოვს
ქართული პრესის მიმოხილვა 25.09.2020
კახა კუკავა - 7 პრიორიტეტი გვაქვს, რაც ჩვენ საარჩევნო პროგრამაშია
ემილ ავდალიანი - ირანი და ჩინეთი 400 მილიარდი დოლარის შეთანხმებას ამზადებენ, თუ ეს მოხდა პერსპექტივაში ჩინური გავლენა ირანსა და ახლო აღმოსავლეთზე ხელშესახები გახდება
„თელიანი ველის“ გლეხური რქაწითელი ქვევრი დეკანტერის უმაღლესი ჯილდოს მფლობელია
წინანდლის კლასიკური მუსიკის რიგით მეორე ფესტივალი დასრულდა
მე-3 და მე-4 კატეგორიების საწარმოებისთვის
Samsung Galaxy S20 FE (Fan Edition) წინასწარი შეკვეთები უკვე დაიწყო