მარია ზახაროვა უკრაინის ვიცე-პრემიერს პასუხობს და აცხადებს, რომ „რუსეთის ერთ-ერთი რეგიონი უკვე იყო უკრაინის შემადგენლობაში და იქ არ მოეწონა“
რუსეთის საგარეო საქმეთა სამინისტროს ოფიციალური წარმომადგენელი მარია ზახაროვა, უკრაინის ვიცე-პრემიერის დმიტრო კულებას განცხადებას ეხმაურება.
მარია ზახაროვას თქმით, რუსეთის ერთი რეგიონი უკვე იყო უკრაინის შემადგენლობაში.
„რუსეთის ერთი რეგიონი უკვე იყო უკრაინის შემადგენლობაში და იქ არ მოეწონა“,-განაცხადა ზახაროვამ.
შეგახსენებთ, რომ უკრაინის ვიცე-პრემიერი დმიტრო კულება რუსი დეპუტატის ვიაჩესლავ ვოლოდინის განცხადებას გამოეხმაურა. მედიის ცნობით, დუმის დეპუტატმა უკრაინის სახელმწიფოდან რამდენიმე რეგიონის გამოყოფის შესახებ ისაუბრა.
დმიტრო კულებას თქმით, ისტორიული სამართლიანობის აღსადგენად, უკრაინა მზად არის რუსეთის ფედერაციის რეგიონები თავის შემადგენლობაში მიიღოს.
