ირაკლი კობახიძე - ნიკანორ მელია არის კრიმინალი

თუ შემოვა პარლამენტში ეს საკითხი და შემოვა როგორც უკვე ვთქვი, ბუნებრივია, აუცილებლად დავუჭერ მხარს, იმიტომ, რომ კრიმინალების ადგილი საქართველოს პარლამენტში არ არის, - განაცხადა პარლამენტის ყოფილმა თავმჯდომარემ ირაკლი კობახიძემ ჟურნალისტების მიერ დასმულ შეკითხვაზე, დაუჭერს თუ არა მხარს ნიკა მელიასთვის დეპუტატის მანდატის შეჩერების საკითხს.

„ბუნებრივია, საქართველოს პარლამენტში იმაზე მეტი კრიმინალია, ვიდრე ნიკანორ მელიაა, თუმცა, ამ შემთხვევაში არის კონკრეტული დანაშაული დაფიქსირებული სასამართლოს მიერ. შესაბამისად, აქ არის ცალსახა საფუძველი იმისთვის, რომ ნიკანორ მელიას შეუწყდეს უფლებამოსილება. ბუნებრივია კითხვის ნიშნები ვერ იქნება“, - განაცხაა ირაკლი კობახიძემ.

მისი თქმით, ამ შემთხვევაში არანაირ პოლიტიკურ ანგარიშსწორებაზე საუბარი არ შეიძლება იყოს.

ნიკანორ მელია არის კრიმინალი. მას აქვს ჩადენილი კონკრეტული სისხლის სამართლის დანაშაული და ამ დანაშაულზე მიეცა ის პასუხისგებაში. აქ რომ იყოს საუბარი რამე პოლიტიკურ ანგარიშსწორებაზე, ბუნებრივია, შესაძლებელია, უფრო მკაცრიც ყოფილიყო სანქცია. ვხედავთ, რომ სანქცია არის საკმაოდ რბილი. შესაბამისად, ეს არის სწორედ იმის დასტური, რომ არანაირ პოლიტიკურ ანგარიშსწორებასთან არ გვაქვს საქმე. მან ჩაიდინა აბსოლუტურად ცხადი დანაშაული, მონაწილეობდა ადეიშვილთან ერთად „ქართუს“ გაკოტრებაში. ეს არის იმდენად ბუნებრივი დანაშაული, რომ სანქციის ადეკვატურობაზე ლაპარაკი ზედმეტია“, - განაცხადა ირაკლი კობახიძემ.

ვიტალი ბალა - დარწმუნებული ვარ, რომ პუტინთან შეხვედრის შემდეგ ზელენსკი რუსეთის პრეზიდენტთან მიმართებაში ვარდისფერ სათვალეებს მოიხსნის
ქართული პრესის მიმოხილვა 11.12.2019
თემურ გოჩიტაშვილი - TANAP-ის ამოქმედების შედეგად საქართველო საერთაშორისო მასშტაბის მოთამაშედ ჩამოყალიბდა
ბექა ინჯია - მაქსიმუმი უნდა გაკეთდეს იმისთვის, რომ არბიტრაჟისა და მედიაციის ინტიტუტების სტანდარტები საქართველოში მსხვილ ინვესტორთა მოთხოვნებს პასუხობდეს
ქართული USB კაბელი ტენე, მალე მეორადი ნარჩენებისგან დამზადდება
"ორიონ ჯგუფმა" ვირტუალური ფული შექმნა - სიახლე სამშენებლო სექტორში
პროკრედიტ ბანკსა და არასამთავრობო ორგანიზაცია CENN-ს შორის თანამშრომლობის მემორანდუმი გაფორმდა
ახალი ეტაპი „ემბავუდის“ განვითარებაში