ირაკლი კობახიძის განცხადებით, ე.წ. გერმანულ მოდელთან მიმართებაში „ერთუცნობიანი განტოლების ამოხსნა“ მოხერხდა და ოპოზიციამ მიიღო „შამათი ორ სვლაში“

პარლამენტის ყოფილი თავმჯდომარის, ირაკლი კობახიძის განცხადებით, შედგება თუ არა საარჩევნო საკითხთან დაკავშირებით ოპოზიციასთან მორიგი შეხვედრა, ეს ოპოზიციაზეა დამოკიდებული.

მისი განმარტებით, თუ ოპოზიცია მოახერხებს რაიმე წინადადებაზე შეჯერდეს, შეხვედრა შედგება.

ირაკლი კობახიძის თქმით, 30 ნოემბერს, ოპოზიციისა და ხელისუფლების შეხვედრაზე შეთანხმდნენ, რომ საკონსტიტუციო ცვლილებისთვის რესურსი არ არსებობს, რაზეც არსებული რეალობის გათვალისწინებით ოპოზიციის წარმომადგენლებიც დაეთანხმდნენ.

რაც შეეხება „გერმანულ მოდელს“, ირაკლი კობახიძის თქმით, „გერმანულ მოდელთან“ დაკავშირებით ძალიან ცხადად გაირკვა, რიმ ის პირდაპირ წინააღმდეგობაშია საქართველოს კონსტიტუციასთან.

„ანუ იქ, რეალურად, მოხერხდა ერთუცნობიანი განტოლების ამოხსნა. ოპოზიციის წარმომადგენლები, ბუნებრივია, ამას საჯაროდ ვერ იტყვიან, თუმცა, როდესაც ერთსადაიგივე კითხვას ხუთჯერ სვამ და არ გპასუხებენ, იციან, რომ მიიღებენ შამათს ორ სვლაში. იქ ბუნებრივია, ყველაფერი ნათელია და ეს შეხვედრის მონაწილეებმა დაინახეს. აქედან გამომდინარე, „გერმანული მოდელის“ საკითხიც მოიხსნა და ამის შემდეგ გადავიდნენ ისინი სხვა იდეებზე. ერთ-ერთი იდეა იყო მრავალმანდატიანი მაჟორიტარული ოლქები, თუმცა იქ ისინი ერთმანეთს დაუპირისპირდნენ ანუ ამ იდეაზე შეჯერებულები არ იყვნენ. შესაბამისად, დაველოდებით მათ წინადადებას. თუ ისინი რაიმე წინადადების გარშემო გაერთიანებას შეძლებენ, ამ შემთხევევაში, ჩვენ ამ წინადადებას განვიხილავთ. დაველოდოთ ჯერ მათ წინადადებას“, - განაცხადა კობახიძემ.

ამასთან, კობახიძემ უპასუხა კითხვას, თუ როგორია ხელისუფლების პოზიცია იმ შემთხვევაში, თუ სახალხო დამცველი ოპიზიციის მიერ მომზადებულ წინადადებას ეუთოს წარუდგენს.

„ერთუცნობიანი განტოლებაც არ არის ეს. იმდენად მარტივი კაზუსია, რომ ასეთი კაზუსი არ მიაქვთ პირველი კურსის გამოცდაზე სტუდენტებთან, მაგალითად, გერმანიაში და საქართველოშიც, გააჩნია ლექტორს და პროფესორს ანუ არის უმარტივესი კაზუსი, რომელსაც ხსნიან სტუდენტებთან პირველი კურსის პირველ ლექციაზე. ამაზეა საუბარი. მათემატიკური ცოდნითაც შეიძლება მისი ამოხსნა, არ სჭირდება იურიდიული ცოდნა. 77 და 150 ერთიდაიგივე რომ არ არის, ამას არც ფილოსოფია სჭირდება და არც იურისპრუდენცია“, - განაცხადა ირაკლი კობახიძემ.

ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
დავით თვალაბეიშვილი - ჩვენ მხარს ვუჭერთ ევროკავშირის ენერგეტიკული გაერთიანების მედიაციის გაგრძელებას და მოვუწოდებთ მასში ჩართულ ყველა მონაწილეს, გამოვიყენოთ ეს შესაძლებლობა
ქართული პრესის მიმოხილვა 23.07.2021
თორნიკე შარაშენიძე - ხელისუფლების სერიოზული შეცდომა იყო ვაშინგტონისთვის არასწორი ინფორმაციის მიწოდებაში აშშ-ს ელჩის დადანაშაულება, შესაძლოა, ეს ამბავი მათ მომავალში ცუდადაც კი დაუბრუნდეთ
პირველად საქართველოში - დავით ტატიშვილის სამედიცინო ცენტრში უნიკალური ოპერაცია ჩატარდა
მინერალური წყალი „ბორჯომი“ ახალ კამპანიას იწყებს
„სინერჯი“ თევზის კომპანია „უმალის“ პარტნიორი გახდა
დავით ტატიშვილის სამედიცინო ცენტრმა ამჯერად ახალი ამბულატორიული ცენტრი აჭარის რეგიონში, ბათუმში გახსნა