ირაკლი კობახიძე უზენაესი სასამართლოს მოსამართლეების შერჩევაზე - კმაყოფილი ნამდვილად ვერ ვიქნები იმ საშუალო კვალიფიკაციით, რომელიც გამოვლინდა ამ პროცესის საფუძველზე

შემიძლია გითხრათ, რომ კმაყოფილი ნამდვილად ვერ ვიქნები იმ საშუალო კვალიფიკაციით, რომელიც გამოვლინდა ამ პროცესის საფუძველზე. თუმცა ეს არის ის სურათი, რომელიც, სამწუხაროდ, ჩვენს საზოგადოებაში არის ჩამოყალიბებული, - ასე გამოეხმაურა პარლამენტის ყოფილი თავმჯდომარე ირაკლი კობახიძე უზენაესი სასამართლოს მოსამართლეების თემას, თუმცა აღნიშნა, რომ მსგავსად გამჭირვალე პროცესი ქვეყანაში ჯერ არ წარმართულა.

„ასეთი გამჭვირვალე პროცესი საქართველოში არასდროს ყოფილა. ამას აღიარებენ საერთაშორისო პარტნიორები. ჯამში ნახევარი წელი დასჭირდა, დაახლოებით, ამ პროცესის გავლას და ეს ყველაფერი წარიმართა საზოგადოების თვალწინ და აბსოლუტურად გამჭვირვალე იყო ამ პროცედურის თითოეული რგოლი. შესაბამისად, საზოგადოება აკვირდება ამას, თუ ვის რა კომპეტენცია ჰქონდა. შემიძლია, გითხრათ, რომ კმაყოფილი ნამდვილად ვერ ვიქნები იმ საშუალო კვალიფიკაციით, რომელიც გამოვლინდა ამ პროცესის საფუძველზე, თუმცა ეს არის ის სურათი, რომელიც, სამწუხაროდ, ჩვენს საზოგადოებაში არის ჩამოყალიბებული. თქვენ ხედავდით, რომ გასული დღეების გამავლობაში, იურისტები, რომლებსაც სტატუსები აქვთ პროფესორის, ხშირ შემთხვევაში, ამტკიცებდნენ, რომ 77 უდრის 150-ს. ასეთ პირობებში, ბუნებრივია, მოსამართლეების კვალიფიკაციის საშუალო არასახარბიელო დონეც არ არის გასაკვირი“, - განაცხადა ირაკლი კობახიძემ.

მან, ამასთანავე, განმარტა, რომ უზენაესი სასამართლო ისე უნდა დაკომპლექტდეს, რომ, ერთი მხრივ, პრობლემა არ შეექმნას მის ფუნქციონირებას და მეორე მხრივ, მაქსიმალურად მიექცეს ყურადღება კვალიფიკაციას.

ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ქართული პრესის მიმოხილვა 10.07.2020
ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ
დეველოპერული კომპანია "ბლოქსი" მომხმარებლებს ბინებზე გრანდიოზულ ფასდაკლებას სთავაზობს
სადაზღვევო კომპანია "ბენეფიტსი" მცირე და საშუალო ბიზნესკომპანიებს სპეციალურ პირობებს სთავაზობს
FDA-იმ IQOS-თან დაკავშირებით გადაწყვეტილება მიიღო და კომპანიის მარკეტინგის უფლება მისცა  (R)