პარლამენტის განათლების, მეცნიერებისა და კულტურის კომიტეტმა თავმჯდომარის მოადგილედ ნუკრი ქანთარია აირჩია. მას კენჭისყრაზე მხარდაჭერა კომიტეტის ყველა წევრმა გამოუცხადა.
კომიტეტის თავმჯდომარის მოადგილის თანამდებობაზე ნუკრი ქანთარიამ გენადი მარგველაშვილი შეცვალა, რომელიც პარლამენტმა წინა კვირას კომიტეტის თავმჯდომარედ დაამტკიცა.
თავის მხრივ, გენადი მარგველაშვილმა კომიტეტის თავმჯდომარის პოსტზე მარიამ ჯაში შეცვალა, რომელმაც მმართველი გუნდი და თანამდებობა პროპორციულ საარჩევნო სისტემასთან დაკაშირებული საკონსტიტუციო ცვლილების ჩავარდნის გამო დატოვა.