სასტუმრო "ბესტ ვესტერნში" კონკურსის - "გახდი ბესტსელერის ავტორი 2019-ის" გამარჯვებული წიგნების წარდგენა გაიმართება

სასტუმრო "ბესტ ვესტერნში" "გახდი ბესტსელერის ავტორი 2019-ის" გამარჯვებული წიგნების წარდგენა დღეს, 19:00 საათზე გაიმართება.

"გახდი ბესტსელერის ავტორი 2019-ის" გამარჯვებულები არიან არჩილ ფირიაშვილის "ფეხბურთის მოთამაშე" და თინათინ ბერიძის "მოპარული სიყვარული". "ფეხბურთის მოთამაშეს" მწერალი დიანა ანფიმიადი წარადგენს; თინათინ ბერიძის რომანს "მოპარული სიყვარული" კი მკითხველს მწერალი სალომე ბენიძე გააცნობს.

კონკურსის ფარგლებში, არჩილ ფირიაშვილი ჟიურის რჩეული გახდა. "არჩილ ფირიაშვილის სახით, ჩვენ ჩამოყალიბებული მწერალი შევიძინეთ. ავტორმა იმდენად მაღალი კლასი აჩვენა, რომ, მასთან დაკავშირებით, გადაწყვეტილების მიღებისას, ჟიური ერთსულოვანი იყო," - განაცხადა "გახდი ბესტსელერის ავტორი 2019-ის" ჟიურის წევრმა ლევან ბერძენიშვილმა. თინათინ ბერიძის რომანს კონკურსის პირველ ტურში, როგორც ხალხის, ასევე ჟიურის მხარდაჭერა ხვდა წილად. საბოლოოდ კი, "მოპარული სიყვარული" ხალხის რჩეული გახდა. ღონისძიებაზე მისულ მკითხველს შესაძლებლობა ექნება პირადად გაიცნოს ჟიურისა და ხალხის რჩეული ორი დებიუტანტი ავტორი, 20%-იანი ფასდაკლებით შეიძინონ მათი წიგნები და აიღონ ავტოგრაფები.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ