ლონდონში ნატო-ს წევრი ქვეყნების ლიდერები იკრიბებიან. ბრიტანეთის დედაქალაქი დღეს ალიანსის 70-ე წლისთავს აღნიშნავს. ლიდერებს შორის არიან შეერთებული შტატების პრეზიდენტი დონალდ ტრამპი, გაერთიანებული სამეფოს პრემიერი ბორის ჯონსონი, გერმანიის კანცლერი ანგელა მერკელი, კანადის პრემიერი ჯასტინ ტრიუდო და თურქეთის პრეზიდენტი რეჯეფ თაიფ ერდოღანი.

მსოფლიო ლიდერებს სპეციალურ სადილზე, დედოფალი ელიზაბეთ მეორე ბუკინგემის სასახლეში უმასპინლებს.

„ოთხშაბათს ლიდერები შეხვდებიან, რათა უსაფრთხოების საკითხები გადაჭრან და გადაწყვეტილებები მიიღონ იმის უზრუნველსაყოფად, რომ ნატო მომავალზე მორგებული ალიანსია. მოსალოდნელია, რომ მონაწილეები შეთანხმდნენ რიგი ღონისძიებების შესახებ, მათ შორის მოკავშირეთა ძალების მზადყოფნის გაუმჯობესებაზე, ტერორიზმის წინააღმდეგ ნატოს მოქმედების გეგმის განახლებაზე. ლიდერები ასევე დისკუსიას გამართავენ რუსეთის საკითხზე, იარაღის კონტროლსა და ჩინეთზე“, - ნათქვამია ალიანსის ვებ-გვერდზე გამოქვეყნებულ განცხადებაში.