მაია ცქიტიშვილის განცხადებით, ანაკლიის პორტის პროექტში ჩართვის სურვილი ამ ეტაპზე არც ერთ ახალ ინვესტორს არ გამოუთქვამს

გამოვლენილი არაა რომელიმე ახალი ინვესტორი, რომელიც სურვილს გამოთქვამდა ინვესტირების შესახებ, ასევე არ გვაქვს ხელმოწერილი სასესხო ხელშეკრულება, - ამის შესახებ ვიცე-პრემიერმა, რეგიონული განვითარებისა და ინფრასტრუქტურის მინისტრმა მაია ცქიტიშვილმა ანაკლიის ღრმაწყლოვანი პორტის პროექტის მიმდინარეობის საკითხზე კომენტირებისას განაცხადა.

როგორც მაია ცქიტიშვილი აცხადებს, "ანაკლიის განვითარების კონსორციუმს" ვალდებულებების შესრულების საბოლოო ვადა წლის ბოლოს ეწურება, მანამდე კი კიდევ რამდენიმე შუალედური ვადაა დარჩენილი.

"16 დეკემბერს კონსორციუმის მხრიდან სამინისტროში ხელმოწერილი სასესხო ხელშეკრულების წარდგენის ვადაა. წლის ბოლოს იწურება ფინანსური დახურვის ვადა, რაც ნიშნავს, რომ როგორც სასესხო, ისე საინვესტიციო ხელშეკრულებები უნდა იყოს გაფორმებული. ჯერჯერობით ჩვენ კონსორციუმისგან არ გვაქვს არც რაიმე დამატებითი ინფორმაცია ანუ ჯერ გამოვლენილი არაა რომელიმე ახალი ინვესტორი, რომელიც სურვილს გამოთქვამდა ინვესტირების შესახებ, ასევე არ გვაქვს ხელმოწერილი სასესხო ხელშეკრულება. ბუნებრივია, ველოდებით ვადის გასვლას, ვადა ჯერჯერობით არის," - აცხადებს ცქიტიშვილი.

"ინტერპრესნიუსის" კითხვაზე, რამდენად რეალისტურია, რომ დარჩენილ ერთ თვეში კონსორციუმი ვალდებულებების შესრულებას შეძლებს, მინისტრი აცხადებს, რომ ეს რა თქმა უნდა, ძალიან რთულია.

"საკმაოდ რთული პროცესია და საკმაოდ ცოტა დროა დარჩენილი იმისთვის, რომ კონსორციუმმა ვალდებულებები შეასრულოს", - აღნიშნა მაია ცქიტიშვილმა.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ