შს მინისტრი - სამწუხაროდ, ასეა ხოლმე, რომ მმართველი გუნდის მხარდამჭერები არიან ყოველთვის მტყუანი

„სულ ყოველთვის, სამწუხაროდ, ასეა ხოლმე, რომ მმართველი გუნდის მხარდამჭერები არიან მტყუანი“, - ასე უპასუხა შს მინისტრმა ვახტანგ გომელაურმა მედიას ქუთაისში, „ნაციონალური მოძრაობის“ ოფისთან „ქართული ოცნებისა“ და „ნაციონალური მოძრაობის“ მხარდამჭერებს შორის დაპირისპირების თაობაზე დასმულ კითხვას.

მინისტრის თქმით, დაპირისპირება ცუდია, თუმცა პოლიციამ ორივე მხარეს არაერთხელ მოუწოდა სიმშვიდისკენ.

„სულ ყოველთვის, სამწუხაროდ, ასეა ხოლმე, რომ მმართველი გუნდის მხარდამჭერები არიან მტყუანები. მოდი, ამ მხრივ თუნდაც ავიღოთ „ნაციონალური მოძრაობის“ ოფისი, მივიდნენ „ქართული ოცნების“ მომხრეები და პროტესტი გამოთქვეს, სტიკერებს აკრავენ, თუ „კრასკავენ“, თუ საღებავს ასხამენ, ეს მეორე თემაა. „ნაციონალურ მოძრაობასთან“ მოუვიდათ დაპირისპირება, ვინ უნდა გაწიოს პოლიციამ „ნაციონალური მოძრაობის“ ოფისიდან, „ქართული ოცნების“ მომხრეები თუ „ნაციონალური მოძრაობის“? ძალიან ცუდია და არ უნდა ხდებოდეს დაპირისპირება, ახალგაზრდები არიან, ქართველები არიან, ჩვენი მოქალაქეები არიან, თუმცა ამ შემთხვევაში პოლიციამ მოუწოდა, ისინი დაწვნენ ძირს, არ დგებოდნენ, სამწუხაროდ, ერთი შეუძლოდ გახდა, სასწრაფომ გადაიყვანა, ამ დროს პოლიციამ რა უნდა ქნას? ესენი არ დგებიან, ვისი ოფისიც არის ისინი დგანან და აგრესიას გამოხატავენ, მოუწოდებენ, რომ გადით, ორივე მხარეს იყო დაპირისპირება, პოლიციამ რა გააკეთოს? თუ მოკიდებს ხალხს და ძალით ჩასვამს მანქანაში, ამბობენ პოლიციამ დააკავა და რატომ აკეთებს ამას, როცა არ აკეთებს - რატომ არ აკეთებს. ძალიან რთულია, ძნელია ამ ადამიანებისთვისაც ხომ?“, - განაცხადა ვახტანგ გომელაურმა.

კითხვაზე, რატომ არ დაიწყო ქუთაისში მომხდარ დაპირისპირებასთან დაკავშირებით გამოძიება, მინისტრმა ასე უპასუხა: ქუთაისში არ მახსოვს, მაგრამ მცხეთაში დაწყებულია, ვიცი, თბილისზეც დაწყებულია“.

რამაზ საყვარელიძე - არცერთ კვლევაში პატარა პარტიებისკენ არ მიდის ხმები, რადგან ჯერ ისევ „ნაციონალების“ და მისი ვარიაციების მიღება-არმიღებაა მწვავე საკითხი
ქართული პრესის მიმოხილვა 06.08.2020
გიორგი პერტაია - სავაჭრო პალატა მეწარმეებს ბიზნესის მხარდამჭერ ყველა პროგრამას ერთ ონლაინ პლატფორმაზე სთავაზობს
ბიზნესოპერაციები მობილური ტელეფონით - ტერაბანკის მობაილბანკი ბიზნესისთვის
ბუნებრივი რესურსების საკონსულტაციო მომსახურება - კოლიერსის და MMS-ის ერთობლივი პროდუქტი
მარტივი, უსაფრთხო და მოქნილი Apple Pay ციფრული საფულე პროკრედიტ ბანკის მომხმარებლებისთვის!
HR ბიზნეს სამიტი HR hub-ის ორგანიზებითა და PSP დაზღვევის მხარდაჭერით წარმატებით ჩატარდა
"მეამას" შენობა მსოფლიოში საუკეთესო სამუშაო სივრცედ დასახელდა