„ევროპული საქართველოს“ ლიდერები და მათი მხარდამჭერები სვეტიცხოვლის მიმდებარე ტერიტორიიდან დაიძრნენ და მცხეთის მერიისკენ მსვლელობით მიემართებიან. ლიდერებმა თავის მხარდამჭერებს უკვე მოუწოდეს, რომ არ შევიდნენ კონფლიქტში კონტრაქციის მონაწილეებთან.
ამავდროულად, „ერთიანი ნაციონალური მოძრაობის“ ლიდერები და პარტიის წარმომადგენლები მცხეთის მერიასთან აქციას მართავენ. ადგილზე ასევე იმყოფებიან „ქართული ოცნების" წარმომადგენლები, რომლებიც კონტრაქციის გამართვას აპირებენ.
მერიასთან სამართალდამცავების საკმაოდ დიდი რაოდენობაა მობილიზებული.
ადგილზე ასევე იმყოფებიან მცხეთის მერი გიორგი კაპანაძე და მცხეთის საკრებულოს წარმომადგენლები.