გია ვოლსკი - „ნაციონალურ მოძრაობას“ დახვეწილი გეგმა აქვს, როგორ მოხდეს დაპირისპირება - არ უნდა ავყვეთ

„ნაციონალურ მოძრაობას“ დახვეწილი გეგმა აქვს, როგორ მოხდეს საზოგადოებაში ასეთი სახის დაპირისპირებები, - ამის შესახებ პარლამენტის პირველმა ვიცე-სპიკერმა გია ვოლსკიმ განაცხადა, რითაც გამოეხმაურა „ქართული ოცნების“ ოფისთან მოძრაობა „შეცვალეს“ აქტივისტებსა და „ქართული ოცნების“ ახალგაზრდული ორგანიზაციის წარმომადგენლებს შორის გუშინდელ დაპირისპირებას.

ვოლსკის განცხადებით, ყოფილი პრეზიდენტი მიხეილ სააკაშვილი აღარც მალავს, რომ საზოგადოებაში დაპირისპირების შეტანა სურს.

„საზოგადოებაში დაპირისპირების შემოტანა ჩვენი ოპონენტების, „ნაციონალური მოძრაობის“ იმდენად დიდი სურვილია, რომ მიხეილ სააკაშვილი აღარც მალავს ამას უკვე, პირდაპირ განცხადებებს აკეთებს: ჩავყვეთ საფლავამდე და ცხვირიდან სისხლი ვადინოთო. ეს ჩვეულებრივი ამბავია. მეორე მხარეს უკიჟინებენ, რომ არანაირი რეაგირება არ გააკეთოს იმ მოქმედებებზე, რასაც ერთი მხარე აკეთებს. ძალადობა ქვეყნისთვის და ნებისმიერი პარტიისთვის ცუდია, მაგრამ „ნაციონალურ მოძრაობას“ დახვეწილი გეგმა აქვს, როგორ მოხდეს საზოგადოებაში ასეთი სახის დაპირისპირებები. არ უნდა ავყვეთ“, - განაცხადა ვოლსკიმ.

ვიტალი ბალა - დარწმუნებული ვარ, რომ პუტინთან შეხვედრის შემდეგ ზელენსკი რუსეთის პრეზიდენტთან მიმართებაში ვარდისფერ სათვალეებს მოიხსნის
ქართული პრესის მიმოხილვა 12.12.2019
თემურ გოჩიტაშვილი - TANAP-ის ამოქმედების შედეგად საქართველო საერთაშორისო მასშტაბის მოთამაშედ ჩამოყალიბდა
ბექა ინჯია - მაქსიმუმი უნდა გაკეთდეს იმისთვის, რომ არბიტრაჟისა და მედიაციის ინტიტუტების სტანდარტები საქართველოში მსხვილ ინვესტორთა მოთხოვნებს პასუხობდეს
ქართული USB კაბელი ტენე, მალე მეორადი ნარჩენებისგან დამზადდება