„როიტერსი“ - გერმანიის ფედერალური პროკურორები მიიჩნევენ, რომ ზელიმხან ხანგოშვილის მკვლელობაში რუსეთის დაზვერვა იყო ჩართული
გერმანიის ფედერალური პროკურორები მიიჩნევენ, რომ ბერლინში საქართველოს მოქალაქის მკვლელობაში რუსული დაზვერვა იყო ჩართული. ინფორმაციას ამის შესახებ „როიტერსი“ საკუთარ წყაროზე დაყრდნობით ავრცელებს.
გამოცემის ინფორმაციით, ეს ფაქტი გამოიწვევს გერმანიის, დასავლეთის ქვეყნების და რუსეთის ურთიერთობების დაძაბვას, განსაკუთრებით სკრიპალების სკანდალის შემდეგ.
როგორც ცნობილია, რუსეთის ყოფილი აგენტი სერგეი სკრიპალი და მისი ქალიშვილი ლონდონში გასულ წელს მოწამლეს.
შეგახსენებთ, საქართველოს მოქალაქე ზელიმხან ხანგოშვილი ბერლინი, 23 აგვიტოს მოკლეს.
