მალტის პრემიერ-მინისტრს მომიტინგეებმა კვერცხები დაუშინეს

მალტის პრემიერ-მინისტრს მომიტინგეებმა კვერცხები დაუშინეს, - ამის შესახებ ინფორმაციას „ევრონიუსი“ ავრცელებს.

გამოცემის ცნობით, ინციდენტი მაშინ მოხდა, როდესაც ჯოზეფ მუსკატი ქვეყნის იუსტიციის მინისტრთან ერთად მთავრობის ადმინისტრაციის შენობაში ევროპარლამენტარებთან შეხვედრაზე დასასწრებად მივიდა.

„გრცხვენოდეს,“ - სკანდირებდნენ მომიტინგეები, როცა მათ კვერხებს უშენდნენ.

შეგახსენებთ, ჯოზეფ მუსკატმა რამდენიმე დღის წინ განაცხადა, რომ იანვარში თანამდებობიდან გადადგება, თუმცა ქვეყნის ქუჩებში აქციები არ წყდება და მომიტინგეები ჯოზეფ მუსკატის დაუყოვნებლივ გადადგომას მოითხოვენ.

ჯოზეფ მუსკატი და სხვა მაღალჩინოსნები 2017 წელს მოკლული ჟურნალისტის, დაფნე კარუანა გალისიას საქმეში ფიგურირებენ. ჟურნალისტი საკუთარ ავტომობილში ააფეთქეს. ის მთავრობის კორუფციულ საქმიანობას იძიებდა.

იხილეთ ვიდეო:

ალექსანდრე თვალჭრელიძე - ჩვენი პოლიტიკური სპექტრის ნარატივი ინფანტილური და ფიცარივით ბრტყელია, არ გამოვრიცხავ ახალი პარტიის დაფუძნებას
ქართული პრესის მიმოხილვა 18.01.2021
როგორ გაართვა თავი განათლების სისტემამ სწავლების დისტანციურ რეჟიმს? - პირველი სემესტრის შედეგებს განათლების მინისტრის მოადგილე აჯამებს
D ვიტამინის გავლენა რეპროდუქციულ ჯანმრთელობაზე