მაია ცქიტიშვილი - აზრი არ აქვს გქონდეს გზა, როდესაც არ გაქვს პორტი, რომელშიც როგორც კონსორციუმი გვპირდებოდა, წელიწად ნახევარში ან ორ წელში უკვე შემოვიდოდა პირველი გემი

ალბათ ყველანი დამეთანხმებით, არავითარი აზრი არ აქვს გქონდეს გზა, მაშინ როდესაც არ გაქვს ფუნქციონირებადი პორტი, ან თუნდაც პორტი, რომელშიც როგორც კონსორციუმი გვპირდებოდა, წელიწად ნახევარში ან ორ წელში უკვე შემოვიდოდა პირველი გემი, - ამის

შესახებ რეგიონული განვითარებისა და ინფრასტრუქტურის მინისტრმა, მაია ცქიტიშვილმა „ინტერპრესნიუსს“ ანაკლიის პორტამდე მისასვლელი გზისა და რკინიგზის მშენებლობასთან დაკავშირებით განუცხადა.

„ინტერპრესნიუსის" კითხვაზე, რა ეტაპზეა აღნიშნული პროექტი, მინისტრი აცხადებს, რომ გზა და რკინიგზა პორტის საკითხთან ერთად უნდა განვიხილოთ. მისივე თქმით, პროექტირების სამუშაოები ჯერ არ დასრულებულა.

„პროექტირება მიმდინარეობს. საპროექტო კომპანიამ წარმოადგინა საპროექტო დოკუმენტაცია, რომელზეც გვქონდა საკმაოდ ბევრი შენიშვნა. გადამუშავდა ეს შენიშვნები და ველოდებით უკვე დასრულებული პროექტის წარმოდგენას. რა თქმა უნდა, თუ ეს მოხერხდება ამ ვადაში, შემდგომში უკვე ვიფიქრებთ, რომ ტენდერი გამოვაცხადოთ. თუმცა, ეს ყველაფერი დაკავშირებული უნდა იყოს იმ პროგრესთან, რომელიც უშუალოდ ანაკლიის პორტის მშენებლობის ნაწილში მიმდინარეობს“, - განაცხადა მაია ცქიტიშვილმა.

ცნობისთვის, ანაკლიის ღრმაწყლოვან ნავსადგურთან მისასვლელი 18 კმ-იანი საავტომობილო გზისა და რკინიგზის პროექტირებას საავტომობილო გზების დეპარტამენტი ახორციელებს. ანაკლიის პორტთან მისასვლელი გზისა და რკინიგზის ჯამური საორიენტაციო ღირებულება 330 მილიონი ლარია.

თენგიზ ფხალაძე  -  თუკი დღეს ვინმე ხეირობს საქართველოში შექმნილი ვითარებით, ეს რუსეთია
ქართული პრესის მიმოხილვა 07.12.2019
რამაზ საყვარელიძე - არც ხელისუფლება ჰგავს პოლიტიკის დიდოსტატს და არც ოპოზიცია, ამიტომ არც ისე იწვიმებს, როგორც ისმის რევოლუციის ჭექა-ქუხილი
სამოქალაქო ავიაციის საერთაშორისო ორგანიზაცია (იკაო) 75 წლისაა
გერმანელ ეკონომისტთა ჯგუფმა (GET) საქართველოს ფინანსური სექტორის მონიტორინგის პირველი ნაწილი წარადგინა
ლიბერთის და რუსთაველის თეატრის ერთობლივი ახალი სოციალური პროექტი
ლიბერთი UN Women-ის ქალთა გაძლიერების პრინციპების გლობალურ ინიციატივას უერთდება
სუპერმარკეტების ქსელი „მაგნიტი“ წამახალისებელი გათამაშების გამარჯვებულებს 14 დეკემბერს გამოავლენს
მედიკამენტებით უზრუნველყოფის გაუმჯობესების მიზნით PSP-ში გერმანულ წამყვან მწარმოებელ კომპანია „ბერლინ-ხემის“ წარმომადგენლებთან შეხვედრა შედგა
რატომ არის კომპანია TOYOTA-ს მიერ წარმოებული ავტომობილები ასეთი პოპულარული და როგორ ზრუნავს კომპანია ხარისხის მუდმივ გაუმჯობესებაზე
„სილქნეტმა“ მობილურ ქსელში უპრეცედენტო სამუშაოები ჩაატარა - დღეისათვის კომპანია მომხმარებელს უსწრაფეს, 4.5G ინტერნეტს სთავაზობს
BDO-მ მცირე და საშუალო სავაჭრო კომპანიების წამომადგენლებს კონფერენციაზე უმასპინძლა